Tíminn gæti verið réttur þessa stundina fyrir alla þá þarna úti sem hafa látið sig dreyma um að eyða tíma á hinni ítölsku Sikiley. Gegnum Bretland er nú komist þangað í ágætt en sérstakt vikufrí á sérdeilis fínum prís.
Langar þig að kynnast Sikiley? Tækifærið gæti verið núna. Mynd Roberto La Foglia
Vikuferðir til þessarar fögru eyju eru nú í boði á tæplega 40 prósenta afslætti frá hefðbundu verði og eins og það sé ekki nóg fylgir æði mikið með í pakkanum. Flugið vitaskuld, bílaleigubíll og gisting á fjórum fjögurra stjörnu hótelum.
Fjögur hótel á einni viku hljómar kjánalega og lítt afslappandi en það er einmitt það sem gerir ferð þessa sérstaka. Hugmyndin er nefninlega ekki að hanga bara, drekka bjór og brenna á næstu sandströnd heldur að sjá eynna og kynnast hefðum og venjum.
Lesa má allt um þetta hér en kannski stærstu kosturinn sá að afsláttarkjörin þýða að við getum fengið ferðina á hefðbundnu verði að meðtöldum flugfargjöldum héðan og heim aftur. Og síðan hvenær hefur góð vikustund á Sikiley fyrir kringum 220 þúsund krónur á par eða hjón talist dýrt 😉
