Skip to main content
Þ að engar nýjar fréttir að kynstrin öll af fornum verðmætum minjum finnist í Napólíflóa. En það eru fréttir að ítölsk stjórnvöld hafa loks nú stofnað sérstakan sjávarþjóðgarð um fyrirbærið með tilheyrandi gæslu.

Mörg hundruð ára gamlar minjar finnast um allt á sjávarbotni Baiae.

Sjávargarðurinn kallast Baiae, sem er það latínska nafn sem fornir gáfu svæðinu og dekkar um 177 ferkílómetra svæði alls.

Baiae var á sínum tíma toppstopp fyrir alla sem eitthvað þóttu merkilegir þegar rómverska stórveldið var upp á sitt besta og helsta ástæðan sú að hér finnast fjölmargar heitar náttúrulaugar. Bað í slíkum unaði þótti fornum Rómverjum ekki síðra en okkur nú í nýtísku heitum pottum í afdölum í Dýrafirði.

Það voru einmitt jarðhræringar undir niðri á 4. öld sem ollu því að öll herlegheitin fóru undir sjó þegar laus sandbotninn gaf sig út á sjó. Þess vegna finnast nú fornar gersemar á sex metra dýpi örskammt frá landi og bæði köfun og bátsferðir í boði á staðnum.

Nú á dögum er þetta forna Beverly Hills mitt á milli borganna Pozzuoli og Bacoli sem eru skammt til vesturs frá hinni ágætu Napólí.