Wow Air býður upp á nýjung þetta árið en ritstjórn Fararheill veit ekki til að fyrirtækið hafi áður boðið 2-fyrir-1 tilboð. Slíkt er í boði nú til Kaupmannahafnar og fæst því farið aðra leiðina á 9.900 krónur á mann plús 900 króna bókunargjald og töskugjald ef slíkt á við.
Þetta er gott framtak á nýju ári sem vonandi verður ferðaþyrstum gott þó ýmislegt bendi til að ferðalög almennt í heiminum verði öllu dýrari nú en verið hefur.
Ekki mun vera hægt að bóka umrætt tilboð Wow á heimasíðu félagsins heldur þarf að hringja í fyrirtækið ellegar senda póst. Vert er að forvitnast sérstaklega hvort aukakostnaður sé því samfara því hefðin er að taka einhverja þúsundkalla sérstaklega fyrir bókun gegnum síma sem þá bætist ofan á verðið.
Bóka þarf fyrir miðnætti í kvöld sem hlýtur að þýða að starfsfólk taki við fyrirspurnum og pöntunum fram að þeim tíma. Ferðatímabilið nær fram í mars.
Heimasíða Wow Air hér.
