Forráðamenn Keflavíkurflugvallar vilja gjarnan fá að kynnast þér nánar og í leiðinni fá afhentar um þig allar helstu persónuupplýsingar. En í staðinn gætirðu unnið spennandi utanlandsferð.
Auglýsir Keflavíkurflugvöllur nú nýjan leik á nokkrum vefmiðlum landsins þar sem fólk er sagt geta unnið helgarferð fyrir tvo ef það deili hvert það langi helst að fara í ferðalag. Er gefið í skyn í auglýsingunni að fólk geti tekið þátt í karókí í Tókíó í Japan eða dvalið maíkvöld í Moskvu.
Fyrir utan hversu fáránlegt er að gefa í skyn að helgarferð nægi til að hafa það kósí í Tókíó þangað sem tekur heila helgi að komast er einn stór hængur á þessu ágæta boði.
Hann er sá að enginn getur tekið þátt nema veita Keflavíkuflugvelli, sem rekinn er af ríkisfyrirtækinu Isavia, aðgang að öllum persónulegum upplýsingum á fésbókinni. Að öðrum kosti er viðkomandi útilokaður frá að eiga kosíkvöld í Moskvu eða Tókíó.
Verður að telja það hæpna markaðssetningu, og ólöglega ef marka má reglur facebook, að freista fólks með helgarferð gegn því að það galopni persónulega facebook síðu sína fyrir einhverju fólki sem vinnur í Keflavík.
Galið að mati ritstjórnar Fararheill.is
Yfirlýsing frá Keflavíkurflugvelli:
