F lugfélagið Icelandair ætlar aldeilis að blóðmjólka gullkúnna þetta sumarið. Fargjöld flugfélagsins fram og aftur til Madríd á Spáni eru þetta 40% til 80% dýrari en í boði var fyrir Kófið.

Allt að hækka duglega hjá Icelandair þessa dagana. Skjáskot

Hvernig hljómar flug til og frá höfuðborg Spánar á sardínufarrými með ekkert meðferðis fyrir rúmar hundrað þúsund krónur? Ekki nema 50 þúsund kall á kjaft aðra leið eða 65 þúsund ef þú þarft tösku með. Dálítið gróft ekki satt.

Gríðarlegar verðhækkanir eru líklega beggja blands græðgi Icelandair og samkeppnisleysi. Ein þrjú flugfélög buðu þessa leiðina fyrir Kófið og þá algengt að negla flugið út og heim með tösku kringum 50 til 60 þúsund krónur eða svo. Á köflum komist aðra leiðina allt niður í fimmtán þúsund krónur með tösku eins og lesa má um hér.

Samkeppni á þessari leið ekki lengur til staðar svo Icelandair sér tækifæri á að kreista veski sólþyrstra Frónbúa fram úr hófi eins og sést á meðfylgjandi skjáskoti af vef Icelandair.

Lægsta fargjaldið 68 þúsund krónur á sardínufarrými án alls en hundrað þúsund krónur rúmar algangara verð. Svo er líka hægt að komast fyrir 120 þúsund kall án alls svona ef þú elskar BDSM. Tekið skal fram að fargjöld hækka enn meira þegar komið er vel fram í júlí og ágúst og við því ekki að sýna ykkur verstu punktana.

Nú þarf samkeppni í hvínandi hvelli og það helst í gær.

– thg