Það koma nokkrir staðir á óvart þegar skoðaður er listi leitarrisans Google yfir þá staði jarðar sem allra mest var leitað að á miðlum þess risa árið 2013. Gamla, góða Mallorca sérstaklega kemur feiknalega sterkt inn.
Ótrúlega vel gengið að koma Mallorca á framfæri þetta árið
Árslistar Google birtast nú einn af öðrum en eins og fólk veit hefur aldrei í sögunni verið auðveldara að fylgjast með og mæla nákvæmlega hvað fólk er að gera hverju sinni á netinu. Google þar enginn eftirbátur. Þess vegna er sennilega hundrað prósent að marka lista þeirra yfir áfangastaði jarðar sem mest er leitað að.
Ferðaþjónustuaðilar í Róm geta opnað nokkrar kampavín án samviskubits því það var sá staður sem heimsbyggðin leitaði mest að á vefum Google þetta árið. Google getur þess ekki hvort fyrir liggi ástæður þessa en leiða má líkum að því að Páfagarður og örar breytingar þar innandyra á árinu hafi eitthvað um vinsældar Rómar að segja.
Næst kemur New York sem er ávallt ofarlega á slíkum listum og í þriðja sætinu er Amsterdam. Skondið sé hugsað til þess að eitt sinn hét New York New Amsterdam.
Sérstaka eftirtekt vekur að spænska eyjan Mallorca virðist á mikilli siglingu. Tveir staðir á þeirri litlu eyju komast á topplista Google.
Topp 15 áfangastaðir eru annars þessir 2013:
- RÓM
- NEW YORK
- AMSTERDAM
- PALMA (MALLORCA)
- MAGALUF (MALLORCA)
- BANGKOK
- SIDNEY
- BRUGGE
- FENEYJAR
- MÁRITÍUS
