Svo virðist sem sala ferða til Kanaríeyja sé dræmari en venjulega. Allavega má draga þær ályktanir af tilboðum tveggja ferðaskrifstofa þennan daginn.
Nú er komist til Kanarí eða Tenerife á útsöluverði með Heimsferðum eða Vita ferðum
Bæði Heimsferðir og Vita ferðir bjóða áhugasömum sérstilboðsverð á ferðum til Kanaríeyja á næstu vikum. Man ritstjórn Fararheill ekki eftir því áður að tvö slík tilboð hafi verið í boði á sama tíma.
Hvort það er tilviljun ein eður ei þá bjóðast áhugasömum flug fram og til baka hjá báðum aðilum á nákvæmlega sama verði eða 49.900 krónur á mann.
Slíkt er í boði bæði 30. nóvember og 5. desember hjá Heimsferðum og á sömu dagsetningum hjá Vita ferðum og þann 24. nóvember að auki.
Bæði er um flug til Kanarí og Tenerife að ræða í báðum tilvikum og er um helmings afslátt að ræða frá hefðbundnu verði.
Heimasíða Heimsferða hér.
Heimasíða Vita ferða hér.
