Spánn veltir Portúgal af toppnum sem ódýrasti áfangastaður ferðamanna í Evrópu árið 2012 samkvæmt nýrri úttekt. Reyndar farnast Portúgal æði illa því Búlgaría, Tékkland og Ungverjaland eru einnig ódýrari.
Spánn er á nýjan leik ódýrasta landið fyrir ferðamenn í Evrópu og skákar Portúgal sem það var fyrir ári
Eru þetta niðurstöður árlegrar könnunar sem breska Póststofnunin gerir en þar er borin saman kostnaður á átta algengum hlutum sem ferðamenn versla gjarnan á ferðum sínum erlendis.
Er þar um að ræða verð á kvöldmáltíð fyrir tvo með víni á veitingastað, sólkremi, kaffi, bjór og gosi á bar, skordýraeitri, flösku af vatni og pakka af tóbaki.
Deila má um könnun þessa og hvað mikið hún segir í raun og veru um verðlag í viðkomandi löndum enda aðeins tekið verð að einum einasta stað í hverju landi fyrir sig og þá aðeins á einum veitingastað, bar og verslun. Hún gefur þó ákveðnar vísbendingar enda í öllum tilvikum um vinsæla ferðamannastaði að ræða.
Niðurstöðurnar fyrir árið 2012 eru eftirfarandi (verð í sviga í íslenskum krónum miðað við gengi dags 20. janúar 2012) :
EVRÓPA
- Spánn – Costa del Sol (7.285)
- Tékkland – Prag (7.652)
- Búlgaría – Sunny Beach ( 7.657)
- Ungverjaland – Búdapest (8.801)
- Portúgal – Lagos (8.803)
- Kýpur – Paphos (10.272)
- Króatía – Pula (11.277)
- Tyrkland – Marmaris (11.626)
- Malta – St.Julians (12.758)
- Frakkland – Vendee (13.465)
- Grikkland – Korfú (13.853)
- Ítalía – Sorrento (17.194)
ASÍA
- Sri Lanka – Bentota (5.398)
- Tæland – Phuket (8.913)
- Víetnam – Hanoi (9.793)
- Malasía – Penang (9.880)
- Indónesía – Bali (10.027)
- Sameinuðu arabísku furstadæmin – Dúbai (11.686)
- Japan – Tókíó (13.639)
- Kína – Beijing (20.538)
- Singapúr – Orchard Road (21.830)
HINIR OG ÞESSIR
- Mexíkó – Cancun (8.503)
- Suður Afríka – Cape Town (9.197)
- Argentína – Buenos Aires (10.807)
- Dóminikanska – Punta Cana (11.568)
- Egyptaland – Sharm el Sheikh (13.299)
- Bandaríkin – Orlando (14.079)
- Brasilía – Praia do Forte (17.911)
- Kanada – Toronto (20.669)
