Sé það eitthvað eitt sem sýnir umfram annað að Íslendingar eru farnir að ferðast eins og áður eru það tölur um kortanotkun landans á erlendri grundu. Tölur Valitor frá janúarmánuði sýna aldeilis merkilega hluti.
Fleiri Íslendingar eru að kaupa meira erlendis en það er enn eitt merkið um aukin ferðalög landans
Þær sýna nánast samsvarandi aukningu á kortanotkun erlendis og hér heima. Með öðrum orðum var fólk þann mánuðinn allavega að auka kortanotkun sína erlendis um 7,8 prósent meðan hún jókst hér heima um 8 prósent. Í báðum tilfellum er miðað við sama tíma árið áður.
Þetta er heldur ekki afbrigðilegt á neinn hátt því sama var uppi á teningnum mánuði áður í desember. Þá jukust viðskipti Íslendinga með kort sín erlendis miðað við sama mánuð árið áður líka um 7,6 prósent.
