Þá er það opinbert. Besti veitingastaður heims 2011 er hinn danski Noma í Kaupmannahöfn….aftur. Ekki lítið afrek hjá dönsku kokkunum þremur sem staðinn reka en áður en Noma fékk þessi sömu verðlaun í fyrra hafði ekki einn einasti danskur veitingastaður komist á blað í San Pellegrino samkeppninni sem þykir sú merkasta af allnokkrum slíkum keppnum.
Inngangurinn að besta veitingastað heims lætur lítið yfir sér
Voru verðlaun þessi kynnt í dag með þeim pompi og prakt sem aðeins Bandaríkjamenn geta sett á svið. Danirnir klárlega sigurvegarar enda fáheyrt að sami veitingastaður vinni þessi verðlaun tvisvar í röð.
Spánverjar komu einnig sterkt inn að þessu sinni með þrjá veitingastaði á topp tíu, Bandaríkjamenn tvo, Bretland einn, Frakkland einn og Ítalía einn.
Klárlega staðir til að taka sína heittelskuðu eða elskaða þó flestir staðirnir séu þungir á pyngjuna.
Þetta eru tíu bestu veitingastaðir heims 2011
- Noma – Kaupmannahöfn, Danmörk
- El Celler de Can Roca – Girona, Spáni
- Mugaritz – Errenteria, Spáni
- Osteria Francescana – Modena, Ítalíu
- Fat Duck – Berkshire, Englandi
- Alinea – Chicago, Bandaríkjunum
- D.O.M. – Sao Paulo, Brasilíu
- Arzak – San Sebastian, Spáni
- Le Chateubriand – París, Frakklandi
- Per Se – New York, Bandaríkjunum
Listi dómnefndar San Pellegrino í heild sinni hér.
