Hartnær 30 prósent þeirra 544 sem þátt tóku í síðustu könnun Fararheill.is ætla ekki í ferðalag erlendis á nýju ári sökum blankheita.
Það verður að teljast afar stór hluti því lesendur vefsins eru undantekningarlítið sýktir af ferðabakteríunni og alla jafna láta sér ekki nægja að ferðast um í huganum.
Hvort niðurstöðurnar segja eitthvað um raunverulega stöðu heimila landsins skal ósagt látið en 64,1 prósent svarenda ætla í ferðalag einu sinni á árinu meðan átta prósent ætla að reyna að fara oftar en einu sinni.
Ritstjórn Fararheill.is þakkar kærlega fyrir þátttökuna og bendir á að ný könnun er komin á vefinn.
