Hmmm. Öllu má nú nafn gefa. Þar á meðal að auglýsa „íslenska fararstjórn” þegar fararstjórinn er danskari en smørrebrød!!!
Lesendur okkar vita að við hér elskum fátt meira en Portúgal. Þar með taldar margar súpergóðar portúgalskar eyjur á borð við Azor og Madeira.
Þess vegna full ástæða til að brosa breitt þegar innlend ferðaskrifstofa býður upp á beinar ferðir á þær slóðir eins og ferðaskrifstofan Heimsferðir (í eigu skíthælsins Andra Más Ingólfssonar) býður upp á í næsta mánuði.
Príma mál að komast til blómríkustu eyju Evrópu í beinu flugi sísona. Verra að gefa í skyn að fararstjórn sé íslensk í húð og hár þegar fararstjórinn heitir Niels Rask Vendelbjerg.
Það er sem sagt Dani að bjóða upp á „íslenska” fararstjórn í vorferð Heimsferða til Madeira. Alls ekkert verra að hafa Dana með í för og líklega betra. En að segja að íslensk fararstjórn sé í boði er lítið annað en vörusvik.
Sem kemur ekki á óvart hjá ferðaskrifstofu Andra Más Ingólfssonar…