Það virðist vera orðin regla hjá Icelandair að bjóða svokölluð sólarhringstilboð sín nokkra daga í röð í hvert sinn. Degi eftir að sérstök tilboð til Boston og Brussel voru í boði býður flugfélagið nú umtalsverða verðlækkun til Gautaborgar og Halifax á völdum dagsetningum.
Sem fyrr er sólarhringstilboðið aðeins í boði til miðnættis 24. febrúar. Á þeim tíma er hægt að kaupa fargjald til Gautaborgar fyrir 14.900 krónur aðra leið og 28.560 krónur fram og til baka. Ferðatímabilið er 24. júní til 15. ágúst.
Flug til Halifax í Kanada fæst aðra leiðina á 19.900 eða báðar leiðir á 41.710 krónur og ferðatíminn er frá 2. júní til 4. júlí.
