Til hvers að setja lög og reglur ef enginn fer eftir þeim? Það er stóra spurningin eftir lestur á skilmálum Icelandair um handfarangur á almennu farrými. Sá lestur er jafn fyndinn og karakterinn Nebbi flippari í bókunum um fótboltafélagið Fal um árið.
Í millilandaflugi má hafa eftirfarandi hluti með sér um borð sem handfarangur, án endurgjalds:
- Einn frakka eða yfirhöfn
- Ágætt að Icelandair flýgur ekki til Síberíu
- Eina regnhlíf eða staf
- Það fer líka svo mikið fyrir þeim í millilandaþotum
- Einn kíki
- Ef þér dytti í hug að ferðast með tvo slíka
- Hæfilegt magn af lesefni
- Sömdu þingmenn Vinstri grænna reglur Icelandair?
- Eina litla myndavél
- Ekki er tiltekið hversu lítil myndavélin þarf að vera.
Ekkert er að finna á vef flugfélagsins um aukagjöldin sem greiða þarf fyrir stóra myndavél eða hversu sektin er há fyrir of mörg tímarit.
Reglurnar í heild sinni hér.
