Aþena

A þena! Auga Grikklands og móðir fegurðar, fágunar og lista. Svo komst rithöfundurinn John Milton að orði um Aþenu fyrir margt löngu og hitti þar naglann á höfuðið svo um munaði. Þar að auki má kalla borgina vöggu vestrænnar siðmenningar enda þaðan komið hver heimsspekingurinn á fætur öðrum sem skilið hafa eftir sig slóð sem enn er gengið eftir fullum fetum.

Aþena veit þó ekki alveg hvað hún á að vera í dag. Á einu plani er hún einna mest heillandi öllum sögu- og listunnendum en á hinni hliðinni eru líka sögur uppreisna, uppþota, mengunar og spillingar sem eiga sér stað enn í dag. Borgin er af þeim toga sem ferðamenn annaðhvort elska eða hata. Enginn millivegur þar.

Þar búa tæpar fjórar milljónir íbúa en stéttaskipting er mikil og fátækt líka. Stutt er í reiði hins almenna borgara hér eins og berlega kom í ljós við efnahagshrunið 2008 sem hér olli meiri niðurskurði en víðast hvar annars staðar.

Hverfi

Aþena situr í stóru dalverpi sem skorðast af þremur fjöllum en í borginni sjálfri eru svo hinar frægu sjö hæðir sem svo undarlega margar stórborgir stæra sig af ásamt þeirri grísku.

Hæðirnar eru Akrapolis, Areopagus, Philopappus, Útsýnishæð, Lycabettus, Pnyx og Tourkovounia. Akrapolis er þeirra þekktust en af þeim öllum er hægt að fá stórkostlegt útsýni yfir borginar og langt út á haf.

Sá borgarhluti sem mest heillar aðkomufólk liggur á tiltölulega litlum bletti í borginni kringum Syntagma torg, Plateia Syntagmatos, og er vel hægt að skoða á tveimur jafnfljótum ef enginn er flýtirinn.

Aðrir stórir hlutar borgarinnar eru alveg út úr korti hvað skipulagningu varðar. Stórar óaðlaðandi blokkir eru afar víða og það voru hrapalleg mistök borgaryfirvalda eftir Seinni heimsstyrjöld sem gerði það að verkum að hræðilegt er að komast um Aþenu á bílum. Afleiðing af eilífum umferðartöfum hafa skapað Aþenu nafn sem mengaðasta borg heims og líður vart sumar í borginni án þess að bílaumferð sé annaðhvort heft að einhverju leyti eða íbúum ráðið frá því að vera útivið.

Helstu hverfi í borginni eru þessi:

• Akropolis ≡ Hæðin fræga sem allir er til Aþenu koma heimsækja.

• Plaka, Monstiraki, Thissio ≡ Þrjú sjarmerandi eldri við Akropolis hæð.

• Kifissia ≡ Norðurhluti borgarinnar er sjaldan í alfararleið ferðamanna.

• Nea Smyrni ≡ Suðurhlutinn er nýtísku hverfi í anda stórborga Evrópu.

• Kolonaki ≡ Ef Grikkir ættu útrásarvíkinga byggju þeir hér í þessu dýra hverfi.

• Omonia, Exarheia ≡ Tvö hverfi sem áður voru í niðurníðslu en hefur verið breytt og bætt til hins betra.

• Pangrati, Mets ≡ falleg og notaleg íbúðarhverfi

• Piraeus ≡ Gamla höfn borgarinnar sem fengið hefur andlitslyftingu.

• Psiri ≡ Fyrrum iðnaðarhverfi sem er nú fullt af verslunum, börum og kaffihúsum.

Loftslag og ljúflegheit

Aþenu er best að heimsækja snemma á vorin eða seint á haustin. Sumrin hér eru steikjandi og hitinn ásamt stækjunni og menguninni er ekkert sem ferðamenn vilja upplifa. Sé ætlunin aðeins að skoða framandi hluti og menningu en liggja ekki á ströndum lon og don er ráð að heimsækja yfir vetrartímann. Þá eru ferðamenn víðs fjarri og verðlagning á hótelum og spennandi stöðum er helmingi lægra en ella. Þá er einnig minnst um mengun.

Aþena! Auga Grikklands og móðir fegurðar, fágunar og lista. Svo komst rithöfundurinn John Milton að orði um Aþenu fyrir margt löngu og hitti þar naglann á höfuðið svo um munaði. Þar að auki má kalla borgina vöggu vestrænnar siðmenningar enda þaðan komið hver heimsspekingurinn á fætur öðrum sem skilið hafa eftir sig slóð sem enn er gengið eftir fullum fetum.

Aþena veit þó ekki alveg hvað hún á að vera í dag. Á einu plani er hún einna mest heillandi öllum sögu- og listunnendum en á hinni hliðinni eru líka sögur uppreisna, uppþota, mengunar og spillingar sem eiga sér stað enn í dag. Borgin er af þeim toga sem ferðamenn annaðhvort elska eða hata. Enginn millivegur þar.

Þar búa tæpar fjórar milljónir íbúa en stéttaskipting er mikil og fátækt líka. Stutt er í reiði hins almenna borgara hér eins og berlega kom í ljós við efnahagshrunið 2008 sem hér olli meiri niðurskurði en víðast hvar annars staðar.

Hverfi

Aþena situr í stóru dalverpi sem skorðast af þremur fjöllum en í borginni sjálfri eru svo hinar frægu sjö hæðir sem svo undarlega margar stórborgir stæra sig af ásamt þeirri grísku.

Hæðirnar eru Akrapolis, Areopagus, Philopappus, Útsýnishæð, Lycabettus, Pnyx og Tourkovounia. Akrapolis er þeirra þekktust en af þeim öllum er hægt að fá stórkostlegt útsýni yfir borginar og langt út á haf.

Sá borgarhluti sem mest heillar aðkomufólk liggur á tiltölulega litlum bletti í borginni kringum Syntagma torg, Plateia Syntagmatos, og er vel hægt að skoða á tveimur jafnfljótum ef enginn er flýtirinn.

Aðrir stórir hlutar borgarinnar eru alveg út úr korti hvað skipulagningu varðar. Stórar óaðlaðandi blokkir eru afar víða og það voru hrapalleg mistök borgaryfirvalda eftir Seinni heimsstyrjöld sem gerði það að verkum að hræðilegt er að komast um Aþenu á bílum. Afleiðing af eilífum umferðartöfum hafa skapað Aþenu nafn sem mengaðasta borg heims og líður vart sumar í borginni án þess að bílaumferð sé annaðhvort heft að einhverju leyti eða íbúum ráðið frá því að vera útivið.

Helstu hverfi í borginni eru þessi:

• Akropolis ≡ Hæðin fræga sem allir er til Aþenu koma heimsækja.

• Plaka, Monstiraki, Thissio ≡ Þrjú sjarmerandi eldri við Akropolis hæð.

• Kifissia ≡ Norðurhluti borgarinnar er sjaldan í alfararleið ferðamanna.

• Nea Smyrni ≡ Suðurhlutinn er nýtísku hverfi í anda stórborga Evrópu.

• Kolonaki ≡ Ef Grikkir ættu útrásarvíkinga byggju þeir hér í þessu dýra hverfi.

• Omonia, Exarheia ≡ Tvö hverfi sem áður voru í niðurníðslu en hefur verið breytt og bætt til hins betra.

• Pangrati, Mets ≡ falleg og notaleg íbúðarhverfi

• Piraeus ≡ Gamla höfn borgarinnar sem fengið hefur andlitslyftingu.

• Psiri ≡ Fyrrum iðnaðarhverfi sem er nú fullt af verslunum, börum og kaffihúsum.

Loftslag og ljúflegheit

Aþenu er best að heimsækja snemma á vorin eða seint á haustin. Sumrin hér eru steikjandi og hitinn ásamt stækjunni og menguninni er ekkert sem ferðamenn vilja upplifa. Sé ætlunin aðeins að skoða framandi hluti og menningu en liggja ekki á ströndum lon og don er ráð að heimsækja yfir vetrartímann. Þá eru ferðamenn víðs fjarri og verðlagning á hótelum og spennandi stöðum er helmingi lægra en ella. Þá er einnig minnst um mengun.

Til og frá

Alþjóðaflugvöllur Aþenu heitir því þjála nafni Athens Eleftherios Venizelos og liggur í tæplega 30 kílómetra fjarlægð frá borginni. Sá er nýlegur og nútímalegur og innandyra er rekin upplýsingastofa fyrir ferðamenn og meira að segja má finna í stöðinni á efstu hæð lítið safn um sögu Aþenu.

Ýmsar leiðir eru í boði til borgarinnar. Jarðlestin, metró, er sú ódýrasta og fljótlegasta. Kostar þá far í miðbæ Aþenu þúsund krónur. Ganga þær lestir á hálftíma fresti að öllu jöfnu. Sama gildir eðlilega á leiðinni til baka en hafa skal í huga að fleiri lestir ganga sömu leið án þess að fara alla leið út á flugvöll. Eru flugvallalestirnar vel merktar með sérstöku merki og ennfremur kynntar rækilega í kallkerfi allra stöðva.

Hafa skal í huga að jarðlestirnar ganga ekki eftir miðnætti. Hefðbundin borgarlest stöðvar hjá flugvellinum á leið inn í borgina. Taka skal hana til Larissis lestarstöðvarinnar þar sem skipta verður yfir í metró til að komast alla leið niður í miðbæjarkjarnann. Lína 2 fer að Ómóníu og Syntagma stöðvum. Verðið er hið sama eða rétt rúmar þúsund krónur.

Rútur flytja ferðamenn nánast hvert sem er frá flugvellinum. Rúta númer X92 fer að Kifissos rútustöðinni, X94 að Ethniki jarðlestarstöðinni, X95 að Syntagma torgi og X96 að Piraeus. Rúturnar ganga allan sólarhringinn. Stakt far með þeim kostar 650 krónur en ferðalagið getur tekið tímann sinn. Gerðu ráð fyrir 50 mínútum ef allt er eðlilegt en sé umferð mikil er hætt við að það geti tekið allt að 90 mínútum.

Nóg er af leigubílunum og á skutl inn í borgina að öllu eðlilegu að kosta um 6500 krónur. Bílstjórar í Aþenu eru þó nokkuð alræmdir og flestir reyna að græða meira ef þeir geta. Gættu þess þegar bíllinn er tekinn að mælirinn sé settur í gang á 1 ef um bjartan dag er að ræða. Aðeins eftir miðnætti mega bílstjórarnir setja mæli sinn á 2 sem er helmingi dýrara.

Til umhugsunar: Á flugvellinum eru geymslur þar sem hægt er að geyma farangur í allt að 36 tíma. Kemur það sér afar vel ef aðeins er stoppað í Aþenu stutta stund áður en haldið er áfram för.

Samgöngur og snatterí

Almenningssamgöngur í Aþenu voru lengi vel á mörkum hins ömurlega en kerfinu var gjörbreytt áður en borgin hélt Ólympíuleikana árið 2004. Er nú auðvelt og fljótlega að komast hvert sem er innan borgarmarkanna á 180 krónur sem er gjaldið fyrir stakan fullorðinsmiða. Er hægt að nota hann í öll farartæki borgarinnar í þær 90 mínútur sem slíkur miði gildir nema til flugvallarins. Jarðlest (Metro) – Um þrjár línur er að ræða í jarðlestarkerfi Aþenu en það er verið að stækka. Sjá kerfið allt á þessu korti hér.

1. M1 línan (Græn) fer milli hafnarsvæðisins Piraeus og Kifissia í norðurhluta borgarinnar.
2. M2 línan (Rauð) tengir vestur og suðurhluta borgarinnar.
3. M3 línan (Blá) fer milli suðvesturhluta borgarinnar, Egaleo, og norðurhlutans þar sem alþjóðaflugvöllurinn er staðsettur.

Gilda verður alla miða áður en stigið er um borð í þartilgerðum vélum sem eru á stöðvum. Miðaverð er 150 krónur nema til og frá flugvellinum en þá kostar farið þúsund krónur.

Léttlest (Rail) – Ein léttlest gengur milli Piraeus hafnarsvæðisins, að Larissis stöðinni og alla leið að flugvellinum. Sama verð er með henni og jarðlestunum. Sporvagnar (Tram) – Sporvagnakerfi Aþenu er eins og önnur samgöngumannvirki þar tiltölulega nýtt. Þrjár leiðir eru í boði sem allar tengjast jarðlestarkerfinu. Sjá leiðakerfið hér. Fullorðnir greiða 150 krónur en börn yngri en 16 ára og ellilífeyrisþegar 90 krónur. Leiðirnar eru eftirfarandi:

• T1: Syntagma – Palaio Faliro – Neo Faliro tengir miðbæinn við Friðaleikvanginn í Piraeus.
• T2: Syntagma – Palaio Faliro – Glyfada tengir miðbæinn við sjávarsíðuna.
• T3: Neo Faliro – Palaio Faliro – Glyfada liggur meðfram sjávarsíðunni.

Strætisvagnar (Bus) – Fjöldi strætisvagna þjónustar íbúa Aþenu og sökum fjölda akreina eingöngu ætluðum strætisvögnum komast þeir oftast nær fljótt yfir. Þeir eru ódýrir. Stakt far kostar 180 krónur og það borgar sig ekki að kaupa kort til lengri tíma enda kostu þau það sama og stakur miði. Hér er heimasíða samgöngumiðstöðvar Aþenu með leiðakerfi strætisvagna en óþjál mjög og sein. Hafðu í huga að veifa þarf bílstjóra þess vagns sem þú vilt taka sérstaklega annars stöðvar hann ekki.

Fimm næturvagnar ganga í borginni auk fimm næturvagna sem fara milli flugvallarins og miðbæjarins.

• X14 – Ekur milli Syntagma torgs og Kifissia
• 11 – Fer milli Ano Patissia, Neo Pangrati og Nea Elvetia
• 040 – Milli Piraeus og Syntagma torgs
• 500 – Milli Piraeus og Kifissia.

Til umhugsunar: Leiðakort almenningstækja á netinu eru fyrir neðan flestar hellur hjá Grikkjum. Hafðu í huga áður en flugvöllurinn er yfirgefinn að þar má fá fyrsta flokks ferðamannakort frítt hjá upplýsingamiðstöðinni við útganginn.

Leigubílar– Startgjald leigubíla hér eru 180 krónur og er fremur hagstætt að ferðast um með þeim að því gefnu að ekki sé umferðaröngþveiti. Því miður er það algengt og þar festast leigubílar eins og aðrir og á meðan tikkar mælirinn. Löglegir leigubílar í Aþenu eru ljósgulir. Ekki er nauðsynlegt að gefa þjórfé.

Ekki láta þér bregða þó aksturslag flestra bílstjóra í Aþenu kæmu þeim beinustu leið á Litla-Hraun ef þeir væru staddir á Íslandi. Þeir aka hratt og að því er virðist mjög glannalega en þeir eru öllu vanir og slys eru fátíð.

Svindl er þó ekki svo fátítt og bílstjórar þarna eins og víðast annars staðar í heiminum reyna að kría út eins marga seðla og þeim er unnt af ferðamönnum. Gæta skal þess að mælirinn sé í gangi og sýni 1 ef þú ferðast um að degi til innan borgarmarkanna. 2 er eðlilegt eftir miðnætti eða ef farið er út fyrir Aþenu. Leiki vafi á heiðarleika skal fá kvittun hjá bílstjóranum, taka niður númer bílsins og tilkynna það ferðamannalögreglu í númerinu 171.

Fyrir kemur að heimamenn deila leigubíl en það er ólíklegt þegar ferðamenn eiga í hlut. Þá er og nokkuð algengt að leigubílstjórar fari í verkfall svo hafa verður það í huga líka.

Hjólreiðar – Alls ekki nema þú eigir fáa daga eftir ólifaða og viljir eyða þeim á ystu nöf. Engin virðing er borin fyrir hjólreiðafólki. Engir sérstakir stígar eru fyrir það fólk og bílstjórar aka bæði greitt og óvarlega.

Labbitúrar – Hér skiptir öllu máli hvenær tíma árs ferðamenn eru á vappinu. Á háannatíma á sumrin er ekki til gata í borginni sem ekki er menguð og hávaðasöm. Bættu því við 35 – 40 stiga hita og jafnvel þó viljinn sé góður snýst flestum hugur eftir nokkrar mínútur.

Sama gildir kringum helstu ferðamannastaði. Þar eru alltaf múgur og margmenni sem er lítið betra. Sé hins vegar ferðast um borgina utan annatíma er allt annað upp á teningnum. Umferðin er sú hin sama en mengunin er mun minni, hitastigið þolanlegt og ferðamenn fáir. Allnokkrar götur í miðbænum hafa fengið andlitslyftingu og gerðar aðlaðandi fyrir gangandi vegfarendur en í heildina er Aþena ekki mjög gönguvæn.

Söfn og sjónarspil

Margir sem koma fyrsta sinni til Aþenu verða fyrir nokkru menningarsjokki. Það helgast af væntingum um klassíska borg með klassík á hverju strái en raunin er önnur og dapurri. Byggingar almennt í borginni eru í niðurníðslu, jafnvel þó mikill skurkur hafi verið gerður fyrir Ólympíuleikana árið 2004. Mengunin er aldrei langt undan og rusl er áberandi um alla borg.

En Aþena eins og aðrar merkar borgir leynir á sér og ekki þarf lengi að rölta um við fætur Akropolis hæðarinnar til að gleyma minna skemmtilegum hlutum borgarinnar á augabragði. Akropolis hæð sjálf gefur stórkostlegt útsýn en jafnvel betra útsýni má njóta af Lycovittos hæð en þangað má komast með kláfi frá Ploutarchou stræti í Kolonaki hverfinu. Á hæðinni má finna ágæt kaffihús og Kapellu heilags Georgs. Vænlegt er að hafa meðferðis vatn og góða flatbotna skó.

>> Akropolis (Akros) – Akropolis hæðin í Aþenu er sennilega ein þekktasta hæð heims enda standa uppi á henni merkustu minjar hins aldna klassíska gríska heims; Hofhliðið, Meyjarhofið, Erekþeion og Níkohofið. Þar hafa einnig fundist leifar af Aþenu hinni upprunalegu en minjar þar má dagsetja aftur á seinni bronsöld. Hæðin og allt sem á henni er eru nú á Heimsminjaskrá Sameinuðu þjóðanna en Akropolis rís 150 metra yfir sjávarmáli og stendur þannig töluvert hærra en stór hluti Aþenuborgar. Þekktasta byggingin er Meyjarhofið, Parthenon, sem var kirkja til forna og síðar moska. Meyjarhofið hefur líkt og aðrar byggingar á Akrolpolis látið mikið á sjá. Töluvert hefur verið fjarlægt úr henni gegnum tíðina þó til standi að færa það til betri vegar. Meðal annars er Breska safnið í London með töluvert af steinum úr byggingunni en hugmyndin er að færa Grikkjum þau verðmæti aftur. Jarðskjálftar fyrr á öldum brutu hluta Meyjarhofsins og annarra bygginga og þá er mengunin í Aþenu ekki að gera mönnum auðveldara fyrir við varðveislu bygginga á hæðinni og molnar jafnt og þétt úr þeim öllum. Jarðlest: Akropolis. Opið frá 8 – 19 alla daga yfir sumrin og 8:30 til 18 á veturna. Aðgöngumiði 2200 krónur sem gefur aðgang að flestum en ekki öllum mannvirkjunum auk Akropolis safnsins sem er glænýtt safn. Frítt á sunnudögum en þá er líka mannfjöldinn mestur.

Til umhugsunar: Akropolis hæðin er ómissandi stopp í Aþenu og enginn verður þar svikinn af minjunum eða útsýninu ef mengun er í lágmarki. Hins vegar er þar öllum stundum gríðarlegur fjöldi ferðamanna sem getur sett stóran mínus á þessa lífsreynslu. Vænlegast er að heimsækja seint um daginn þegar hitastigið fer lækkandi og mestur fjöldinn er horfinn á braut.

>> Gamla markaðstorgið(Agora) – Við Akropolis hæð er Agora, markaðstorg gamalla tíma, en þar má bæði sjá rústir fornrar menningar sem og frábæra sýn á Akropolis hæðina. Þar stendur líka hof Hephaestusar og Attalos Stóa sem er safn í eldgamalli endurgerðri byggingu. Opið á sama tíma og Akropolis og flestir aðgöngumiðar að menjum Akropolis duga hér einnig.

>> Syntagma torgið (Syntagma) – Við þetta fjölfarna torgið stendur gríska þinghúsið. Þar er vinsælt að fylgjast með varðmannaskiptum á klukkustundarfresti fyrir utan þinghúsið.

>> Kerameikos – Er elsti grafreitur í Aþenu og merkur fyrir það en einnig að þar er Dipylon hliðið sem var mikilvægasta borgarhlið hinnar fornu Aþenu. Innandyra er þar nú lítið safn muna sem fundist hafa í grafreitnum.

>> Seifshof – Lítið er eftir af þessu forna hofi til dýrðar guðinum Seifi en þar innandyra stóð áður stærsta stytta sem til var í heiminum forðum og var ein af sjö undrum veraldar á þeim tíma. Var það eðlilega stytta af Seif sjálfum þar sem hann sat í hásæti sínum en styttan var tólf metra há og er enn þann dag í dag stærsta stytta sem reist hefur verið innandyra. Jarðlest: Akropolis. Opið 8 – 19 á sumrin en til 16 á veturna og stundum skemur en það. Aðgangseyrir 350 krónur.

>> Panathinaikovöllur (Panathenaic) – Glæsilegur íþróttaleikvangur í miðborginni sem er þekktur fyrir að vera að öllu byggður úr hvítum marmara og að þar fóru fram fyrstu Ólympíuleikarnir eftir að þeir voru endurvaktir árið 1896. Þarna fara stundum fram tónleikar og viðburðir en sæti eru fyrir 40 þúsund manns. Ekki skal rugla þessum saman við heimavöll mesta knattspyrnuliðs Grikkja; Panathinaikos.

>> Lycabettushæð – Þó Akropolis hæð gefi aldeilis fína útsýn til allra átta þegar ekki er þungskýjað í borginni sökum mengunar er einn staður enn betri til þess arna. Lycabettushæð stendur 50 metrum hærra en Akropolis en þó hátt sé uppi og bratt er þangað auðvelt að komast með kláfi.

>> Býzantínsafnið ( Byzantine & Christian Museum) – Eitt af betri söfnum Aþenu með sérstaka áherslu á muni frá tíma Býzantína. Mest er um helgimyndir af ýmsum toga. Jarðlest: Syntagma. Opið þriðju- til sunnudaga frá 10 – 15 og til 21 á miðvikudögum. Lokað mánudaga. Aðgangur 800 krónur. Heimasíðan.

>> Akropolis safnið (Acropolis Museum) – Nýjasta og fullkomnasta safnið í borginni en þar er rekin öll sú saga sem tengist hæðinni fyrir ofan safnið. Flott safn sem gefur gestum heilstæða mynd af öllu er viðkemur Akropolis og fyllir í allar eyður sem kannski eru til staðar eftir að hafa rölt um hæðina sjálfa. Gott kaffihús og minjagripasala á sama stað. Jarðlest: Akropolis. Opið 8 – 20 alla daga nema mánudaga þegar lokað er. Aðgangseyrir aðeins 190 krónur. Heimasíðan.

>> Benaki safnið (Benaki Museum) –  Antoni Benaki var um tíma einn auðugasti maður Grikklands og skildi eftir sig fjársjóð listaverka sem nú hafa verið opnuð almenningi. Safnið er hýst í stórhýsi Benaki sjálfs og byggingin ekkert slor. Innandyra má finna 20 þúsund verk af ýmsum toga og óhætt að fullyrða að karlinn hafi ágætt skynbragð á list. Jarðlest: Syntagma. Opið 9 -15 alla daga en til miðnættis á fimmtudögum. Þá er einnig frír aðgangur en annars greiða fullorðnir þúsund krónur til að vitna herlegheitin. Heimasíðan.

>> Helleníska safnið (Foundation of Hellenic World) – Nýtt tæknivætt safn um sögu Grikklands og áhrif Grikkja í heiminum frá fyrri tíð og til nútímans. Reynt hefur verið að gera safnið sérstaklega barnvænt og þau gleyma sér fljótt í aragrúa tækja og muna sem til þeirra höfða. Jarðlest: Kallithea. Afar misjafn opnunartími. Sjá heimasíðu. Ókeypis aðgangur. Heimasíðan.

>> Fornleifasafnið (National Archeological Museum) – Vinsælasti áfangastaður erlendra ferðamanna í allri borginni að Akropolis hæð frátalinni er þetta mikla safn sem er af fræðingum talið eitt af tíu merkilegustu söfnum heims. Ástæðan einfaldlega sú að hvergi annars staðar má finna jafn mikinn fjölda muna frá fornöld. Safninu er skipt niður í margar deildir og vænlegt að slást í hóp leiðsögumanns  sé þess kostur. Heimasíðan.

 

 

Verslun og viðskipti

Þó undarlegt kunni að virðast þá hafa íbúar Aþenu enn þann dag í dag lifað tiltölulega bærilegu lífi þó ekki séu þar margar verslunarmiðstöðvar eða risaverslanir og gefur það strax ákveðnar vísbendingar um íbúanna. Það getur nefninlega ekki verið auðvelt fyrir Grikki fremur en aðra að hundsa þær hundruðir þúsunda stórfyrirtækja sem daglega reyna að hasla sér völl í helstu borgum heims.

Það hefur þó tekist að nokkru leyti og til er þeir sem finnst þetta framúrskarandi heillandi því þetta þýðir að líf Grikkja snýst um annað og meira en dauða hluti. Engin ein gata í borginni fær sæmdarheitið Verslunargatan. Sökum þess að yfirgnæfandi meirihluti verslana eru reknar af einstaklingum eða fjölskyldum en ekki fyrirtækjum er úrval smærri verslana mikið og gott og þær afar víða í borginni.

Helstu verslunarstaðir eru þessir:

• Minjagripi má fá út um allt og ekki síst hjá hinum ýmsu götusölum sem hvarvetna eru. En fyrir betra úrval en gengur og gerist er mál að rölta um Plaka sem er elsti borgarhluti Aþenu hinnar nýrri. Plaka stendur í skugga Akropolis hæðar og í hverfinu eru þúsundir smærri forvitnilegra verslana.

• Tvö hverfi sérstaklega eru vænleg til að finna dýrari merkjavöru bæði innlenda og erlenda. Kolonaki er helsta hverfið til þess og einnig er töluvert af slíkum verslunum í Kifissia hverfinu.

• Þá finnast erlendar keðjur einnig í stærstu verslunarmiðstöð Aþenu, Neratziotissa, sem stendur við samnefnda lestarstöð.

• Fyrir íslenska neytendur á ferð um Aþenu er þó vænlegra meðan króna vor er í andaslitrum að skoða úrvalið í gluggum verslana í Ermou stræti sem er við Syntagma torgið. Þar ægir saman hinum ýmsu verslunum sem þó eiga það sameiginlegt að vera í ódýrari kantinum.

• Götusala er algeng í Aþenu og er ólögleg að mestu leyti. Selja þeir hinar hefðbundnu fölsuðu vörur sem þó heilla marga. Finnast þeir flestir við Plaka og Monistiraki en hafa skal í huga að gríska lögreglan hefur stöku sinnum sektað ferðamenn fyrir kaup á slíkum vörum.

Líf og limir

Varann skal ætíð hafa á sér í Aþenu. Borgin morar af smáglæpamönnum sem margir hverjir sérhæfa sig í að ræna ferðamenn. Eru til margar sögur af prettum og svikum sem gestir hafa þar orðið fyrir.Skal hafa sérstaka gát í strætisvögum sem fara um helstu ferðamannastaðina því hópar vasaþjófa starfa hjá og margir hverjir saman.

Alvarlegri glæpir eru sjaldgæfir. Standi hugur til að skoða aðra hluta borgarinnar en aðeins þá sem fjallað er um í ferðahandbókum skal hafa sérstakan vara á sér í hverfinu milli Omonia og Karaskaki torgunum þegar kvölda tekur. Sofokleous stræti við Omonia er alræm og skal forðast öllum stundum.

Matur og mjöður

* Fararheill.is mælir hvorki með né mót veitingastöðum. Þess í stað bendum við á þrjá viðurkennda veitingahúsavefi og vonum að lesandinn finni þar eitthvað við hæfi.

Grikkir elska mat eins og raunin er með allar Miðjarðarhafsþjóðir. Flestir veitingastaðir eru litlir og gjarnan reknir af fjölskyldum og á hverjum þeirra má finna rétti sem heilla erlenda bragðlauka. Einn gallinn við veitingahúsvefi er að þúsundir minni staða verða útundan en hér gildir sama gullna reglan og annars staðar í heiminum; þeir staðir sem jafnan eru pakkfullir af heimamönnum eru fyrsta flokks. Plaka hverfið er vinsælast í Aþenu hvað veitingar varðar og þar eru margir af betri stöðum borgarinnar en jafnframt nokkrir af þeim alverstu.

1. Nokkrir athyglisverðir staðir utan hefðbundinni ferðamannaslóða hér.
2. Vefurinn TravBuddy samanstendur af ferðafólki eins og þér. Þeirra tillögur hér.
3. Vefmiðilinn Let´s Go gefur færi að leita að stöðum eftir verðum eða hverfum hér.