Á vafri okkar um ferðanetheima þennan daginn höfum við dottið um tvennt sem við teljum að landar vorir gætu haft not af.
Ríga að kvöldlagi. Borgin er fjandakornið æði fín heimsóknar. Mynd Ricardo Liberado
Enginn fær verðlaun fyrir að giska á hvert flugfélagið Airbaltic flýgur. Líklega er fólki ekki jafn heitt í hamsi að heimsækja Ríga, Tallinn eða Vilníus og Barcelóna og Róm en fyrir þá sem áhuga hafa er óvitlaust að kíkja á vef Airbaltic. Þar nefninlega tilboðsvika í gangi og hlægilegt verð í boði til og frá þessum stöðum og fleirum. Til dæmis flug til Ríga í Lettlandi frá Osló í Noregi aðra leiðina án farangurs fyrir heilar 2.700 krónur. Meira um þetta hér.
Hitt kannski fer meira í hjartastað fólks sem elskar Miðjarðarhafið. Flugfélagið Vueling er einnig að bjóða ágæta afslætti á ýmsum flugferðum sínum. Þannig getur fólk með tíma til að eyða í Alicante, Barcelóna eða Madríd hent sér yfir hafið til Mallorca eða Ibiza aðra leið án farangurs fyrir litlar 3.600 krónur. Nú eða skottast til Bilbao í Baskalandi fyrir rúmar fimm þúsund krónur og svo má lengi telja. Allt um það hér.
Svo vantar þig auðvitað gistingu á þessum nýju fersku stöðum sem þú varst að finna á tilboði 🙂
