Þjóðráð að setja allar ferðir til Jamaíka í Karíbahafinu á ís um stundarsakir. Þar vaða glæpamenn uppi sem aldrei fyrr og ræna eða myrða mann og annan.
Ritstjórn heimsótt Jamaíka samtals sjö sinnum gegnum tíðina. Stundum tekið sjénsa eins og að vappa um höfuðborgina Kingston þótt lögregla hafi varað við öllum ferðum í miðborginni. Lifðum það af eins og gefur að skilja af þessum skrifum.
En ekkert okkar var á Jamaíka þegar viðvaranir lögreglu voru í gildi fyrir mega-ferðamannastaði á borð við Negril eða Montego Bay.
Sem er raunin í dag sökum þess að morð og glæpir gerast á þessum vinsælu ferðamannastöðum ekkert síður en í höfuðborginni sjálfri. Yfirvöldum sem sagt mistekist að halda ferðamönnum öruggum á helstu stöðum. Mistekist svo herfilega að neyðarástandi hefur verið lýst yfir á ofangreindum stöðum á eynni.
Með tilliti til þess að lögregla nýtur engrar virðingar í landinu er sennilega óhætt að fresta duglega öllum túrum til þessarar yndislegu eyjar um óákveðinn tíma. Nema auðvitað þú fílir hættu við hvert fótmál…