Ýmislegt miður má segja um samskiptamiðla sem margir vilja meina að takmarki enn frekar persónuleg samskipti fólks. En óumdeilt er að sömu miðlar veita okkur neytendum frábæran vettvang til að kvarta og kveina og jafnvel koma á umbótum í leiðinni.
Slæleg þjónusta? Komdu því á framfæri með tísti og bíddu. Mynd briYYZ
Það þekkja þeir sem eiga viðskipti við stórfyrirtæki mörg að æði erfitt getur verið að fá þjónustu og það á ekki síst við um flugfélögin.
Einstaklingur hvers faðir flaug með British Airways nýlega og fékk aldrei farangur sinn í hendurnar tók til þess bragðs að kaupa tíst til að láta alla viðskiptavini flugfélagsins vita af hræðilegri þjónustu eftir að hafa árangurslaust reynt að fá aðstoð við að hafa uppi á farangri föðurins.
Tístið umrædda var sent á alla 300 þúsund fylgjendur British Airways of vakti það mikla athygli að aðrir miðlar tóku það upp líka. Brátt höfðu yfir ein milljón manns lesið um farangursraunir föður mannsins.
Skipti engum togum að sama flugfélag og veitti litla sem enga aðstoð áður brá skjótt við og fékkst farangurinn afhentur degi eftir að tístið náði vinsældum. Breytir ekki því að skaðinn var skeður og milljón manns hugsa sig kannski tvisvar um áður en flogið er með breska flugfélaginu á nýjan leik.
