Skip to main content
V andlifað á þessum síðustu og verstu. Covid-veiran heldur áfram að gera usla hist og her og næsta ómögulegt að vita hvert má fara og hvenær án þess að lenda í ömurlegu veseni.

Þess vegna er sérstakt Covid-kort Icelandair vel þegið fyrir þau okkar sem dreymir um að komast út eigi síðar en í gær en það kort má finna hér.

Kortið atarna á að gefa góða mynd af þeim löndum/stöðum sem landinn getur ferðast til vandræðalaust og vonandi að stjórnendur Icelandair séu með mann á þeirri vakt 24/7/365 því allt er breytingum háð og þá sérstaklega þegar ríki heims breyta kófsreglum sínum svo hratt að blikkandi auga missir af.

En illu heilli tímir Icelandair ekki að hafa kortið atarna á hinni ylhýru íslensku. Allt er á enskri tungu sem er svosem gott og blessað en segir allt sem segja þarf um metnað hins margríkisstyrkta flugfélags. Þeirra allra helsti kúnnahópur mætir afgangi.

Og það ekki í fyrsta sinn. Stofnun Vigdísar Finnbogadóttur í íslenskum fræðum sendir, ásamt okkur hér, kærleikskveðjur til Icelandair fyrir að dissa íslenskt mál í tætlur 🙁 🙁 🙁