Flugfélagið Lufthansa í Þýskalandi verður að líkindum hið fyrsta í Evrópu sem býður upp á internetaðgang í öllum vélum sínum en uppsetningu á slíku á að vera lokið í lok næsta árs. Er þetta klárlega það sem koma skal en víða er þegar net í boði í innanlandsflugi í Bandaríkjunum og einstöku ferðum Virgin flugfélagsins.
Þurfa því farþegar þýska flugfélagsins ekki að sætta sig við misgóð afþreyingarkerfi á ferðum sínum heldur taka fram fartölvuna og gera og skoða það sem þeir vilja.
Sem kunnugt er eru engar áætlanir uppi hjá Icelandair né Iceland Express að bjóða upp á net í vélum sínum á næstunni.
