Heimsminjanefnd Sameinuðu þjóðanna hefur tekið þá ákvörðun að taka Galapagos eyjar af hættulista nefndarinnar. Er sú ákvörðun afar umdeild en það þýðir að ferðamannastraumur til eyjanna verður ekki lengur takmarkaður. Leikur þó enginn vafi á að þessi paradís sem heimsþekkt varð með kenningum Charles Darwin er ekki ósnortin lengur.
Eyjurnar, sem hafa löngum haft þá sérstöðu að eina fólkið sem þangað steig fæti lengi vel voru vísindamenn og stöku auðkýfingar sem greiddu fúlgur fyrir. Upp á aldamótum fór þó að bera á fjöldatúrisma og á aðeins sex árum fjölgaði gestum eyjanna úr 40 þúsundum árlega í 120 þúsund.
Það var þá sem Heimsminjanefnd setti Galapagos svæðið á hættulista sökum átroðnings en eina sérstaða eyjanna og ástæðan fyrir að þær þykja merkar í sögu mannkyns er hversu ósnortnar þær voru af mannanna völdum. Finnast þar líke yfir 1300 tegundir plantna og dýra sem hvergi finnast annars staðar.
Þykir náttúruverndarsinnum of snemmt að taka eyjarnar af hættulista því átroðningur sé enn vandamál og eyjarnar enn viðkvæmar.
