Sitt sýnist hverjum um Frakka en það mega þeir eiga að ef almenningi mislíkar eitthvað alvarlega eru sirka fimm mínútur í fjöldamótmæli á torgum borga og bæja. Og það yfirleitt ekki tíminn til að vera mikið á vappinu sem ótýndur ferðamaður. Vesen að komast á milli, samgöngur lamast að mestu og lögregla í engu stuði til að aðstoða einn né neinn.
Frönsk stjórnvöld eru tæknilega að leika rétta leikinn að okkar mati; takmarka duglega rétt óbólusettra til að fara ferða sinna eins og þeim sýnist.
Víst er slíkt brútalt í öllu tilliti en yfirvöldum í öllum löndum ber skylda til að vernda þegna sína og af því leiðir að takmörk á ferðum þeirra sem kjósa að vera óbólusettir liggur í augum uppi. Ekki síst þegar um er að ræða veiru sem dregur fjölda fólks til dauða.
Í öllu falli, ekki heppilegur tími til að skottast í helgarferð til Frans alveg á næstunni…
