Skrímslaáhugafólk gæti gert verri hluti en panta sem fyrst flugmiða til Alaska í Bandaríkjunum. Þar hefur náðst á myndband örlítið brot af ókunnu dýri í sjónum við Bristol flóann.
Eru margir á því að heimurinn sé aðeins fátækari nú þegar skrímslasögur virðast heyra sögunni til og ekki hefur sést tangur né tetur á frægasta skrímsli seinni tíma í Loch Ness í Skotlandi.
En sjómaður einn frá Bristol í Alaska hefur náð myndum að því sem virðist furðu líkt sæslöngum þeim er margir telja sig hafa séð í Loch Ness vatni í Skotlandi og reyndar mun víðar í veröldinni öldum saman.
Hefur dýrið haus á stærð við hest, með langan háls og stór augu og það það sést meira að segja í kryppur á baki þess í þessu myndbandi sem náðst hefur.
Hefur enginn fengist til að fullyrða neitt um hvaða dýr þetta geti verið og sjómenn í Bristol í Alaska klóra sér bara í hausnum.
