Stærra, hærra, betra og flottara. Það virðist vera mottó allra helstu hótelkeðja heims að toppa hverja aðra með hverju nýju glæsihótelinu. Þau verða sennilega ekki mikið stórkostlegri en Marina Bay Sands hótelið í Singapore. Allavega ekki næstu fimm mínúturnar.
Hótelið er feykileg smíði og ekki er dapurt úrvalið af afþreyingu þar innandyra með fyrsta flokks kvikmyndasölum, stærsta spilavíti í landinu, fjölmarga veitingastaði, bari og heilsulindir, vatnskanal sem liggur eftir endilöngu hótelinu, stórt safn í laginu eins og lótusblóm og ekki má gleyma 150 metra langri sundlauginni í lystigarðinum á toppnum. Þá er enn ótalinn fjöldi verslana og þar eru engin flóamarkaðsverð í gangi.
Þetta dýrasta hótel sem enn hefur verið byggt á jörðu og kannski ekki flókið að sjá hvers vegna þegar myndirnar eru skoðaðar. Hvað prísana varðar er hægt að fá hér eitt af 2.560 herbergjum á 35 þúsund krónur eina nótt að lágmarki. Það er sennilega þess virði sé fólk á ferð um Singapore.