Ó þolandi punktur is. Okkur gert að greiða þúsundir króna fyrir 500 grömm umfram leyfilegar heimildir í farangri en í næsta sæti við okkur er spikfeitt fólk sem borgar nákvæmlega það sama fyrir flugfarið. Er ekki kominn tími til að einhver höfði mál fyrir gróflega mismunun?

Flugfélög heimta feitan skilding fyrir þungan farangur en ekki orð um feita farþega….

Ein úr ritstjórn flaug til Las Palmas fyrr í vikunni. Ekkert markvert við það per se. Nema kannski að viðkomandi, heil 56 kíló, flaug bara með 3ja kílóa handfarangur sem hún geymdi undir sætinu vandræðalaust. Við hlið hennar voru hjón af Suðurnesjum sem bæði voru feitt í yfirvigt. Við alveg að tala um 100 kíló plús hjá báðum. Þau bæði aðeins með handfarangur og borguðu mikið til það sama fyrir flugið og okkar kona hér.

Hmmm!

Feitur karlmaður í 100 kílóa þyngdarflokki greiðir það sama fyrir flug og kona sem vegur 56 kíló. Samt þarf konan að greiða þúsundir króna fyrir farangur yfir 10 kílóum?

Eigum við loks að fara að ræða fílinn í flugvélinni?

Hvaða sanngirni er í því að feitlagið fólk, oft en ekki alltaf fólk sem hefur farið illa með sig og tekur alveg þrjár máltíðir á degi hverjum, fái að fljúga á sama verði og fólk sem passað hefur línurnar gegnum þunnt og þynnt um áraraðir?

Með öðrum orðum; hvers vegna finnst fólki eðlilegt að flugfélög heimti þúsundir og stundum tugþúsundir króna fyrir yfirvigt í farangri en alls ekki fyrir yfirvigt þess sem situr í flugsætinu?

Ósköp eðlilegt að flugfélög noti kíló eða þyngd sem  ástæðu fyrir hærri gjöldum. Meiri þyngd þýðir jú meiri eldsneytiskostnaður og meiri mengun.

En hvers vegna gildar það aðeins um farangur og ekki fólkið sjálft? Hvers vegna á feitt fólk að fljúga á lægra verði en fólk sem ekki gengur á gjafir jarðar eins og enginn sé morgundagurinn?

Feitt fólk á að greiða hærra verð en mjótt fólk. Punktur!

Óhrædd við að nota nífaldan heimsmeistara í hótelbókunum samkvæmt World Travel Awards hér að neðan. Það er eina tekjuleið okkur hér 😉

-es