Flottur er forstjóri Toyota sem er nýr stjórnarformaður Icelandair. Hans fyrsta verk í stjórastól að meina viðskiptavinum flugfélagsins að tjá sig um fyrirtækið á stærsta vefmiðli heims.
Ölvaðir menn? Neibb. Bara forstjóri og stjórnarformaður Icelandair í útvarpsviðtali. Skjáskot
Fésbókarfólk með glöggt auga ætti að hafa rekið auga í að ekki er lengur í boði að sjá „visitors posts“ á fésbókarsíðu eins stærsta fyrirtækis landsins: flugfélagsins Icelandair. Þeir póstar birtust lengi vel á fésbókarsíðu Icelandair enda einfaldasta og fljótlegasta leiðin til að hafa samband við flugfélagið.
Alas, ekki lengur. Icelandair fylgir þannig í fótspor Wow Air sem einnig meinar fólki að tjá sig opinberlega um viðskipti sín.
Það er meginregla í viðskiptafræði 101 að fyrirtæki skuli aldrei nokkurn tímann loka á leiðir sem viðskiptavinir eða hugsanlegir viðskiptavinir hafa til að ná sambandi. Það er jú viðskiptavinurinn sem borgar starfsmönnum launin og hvaða tilgangi þjónar að setja viðskiptavini eins margar hindranir og hugsast getur til að lýsa ánægju, óánægju eða koma á framfæri ábendingum af einhverju taginu?
En á gervihnattaöld þegar fjölmiðlar eru meira og minna undir stjórn þeirra sem flesta eiga seðlana skal ekki koma á óvart að plebbar með útroðna vasa skuli gera viðskiptavinum eins erfitt fyrir og framast er unnt. Það virkar líka og dæmi um það að aldrei hefur komið fram í fjölmiðlum hérlendis að enginn bílaframleiðandi í heimi hefur afturkallað eins margar bifreiðir og Toyota vegna galla og vandræða síðan Jesús Kristur gekk á vatninu.
Að sama skapi hefur gengi Icelandair á samfélagsmiðlum, og reyndar hlutabréfamörkuðum líka, hrapað eins og lýðræði í Tyrklandi og fyrirtækið fengið þvílíkar flengingar að engu tali tekur.
Sem er, nota bene, EINA ástæðan fyrir að fyrirtæki lokar fyrir umsagnir viðskiptavina á fésbókinni. Hvernig ætlar fyrirtæki sem vill bæta sig gagnvart viðskiptavinum að gera það ef lokað er á viðskiptavini? Það er einfalt svar við því. Fyrirtæki sem lokar á umsagnir á samfélagsmiðlum hefur ENGAN áhuga á að vita hvað þér finnst. Icelandair er drullusama um hvort þú naust flugsins til Anchorage, hvort maturinn sem þú fékkst á leið til Gautaborgar hafi verið mannaskítur í skál eða hvort þeir skildu farangur þinn eftir í Aberdeen vegna yfirþyngdar. Þeim er drullusama um þig og þitt álit.
Eða hvaða önnur ástæða getur verið fyrir að fyrirtæki útiloka umsagnir á samfélagsmiðlum….
