E kki ýkja langt frá hinni glæsilegu Notre Dame kirkju stendur önnur kirkja, ekki mikið síðri, og sérstaklega glæsileg nú en tólf ára viðgerðum á Église Saint-Sulpice kirkjunni í Lúxemborgarhverfinu er loks lokið.

Eftir tólf ára viðgerðarstarf er Saint-Sulpice kirkjan í París sem ný en hún er ekki síðri skoðunar en Notre Dame. Mynd Chris Cabot

Eftir tólf ára viðgerðarstarf er Saint-Sulpice kirkjan í París sem ný en hún er ekki síðri skoðunar en Notre Dame. Mynd Chris Cabot

Reyndar hefur frægð Saint-Sulpice sjaldan verið meiri en undanfarin ár eftir útgáfu hinnar vinsælu bókar Dan Brown, Da Vinci Lykillinn, en þar var einmitt Saint-Sulpice í lykilhlutverki. Átti þar sérstakt sólúr kirkjunnar að tákna hádegisbaug Parísar og vera mikilvæg vísbending söguhetju bókarinnar.

Í raunveruleikanum er kirkjan bæði falleg og tignarleg að sjá og inni er að finna ýmis listaverk og freskur sem forvitnilegt er að skoða. Stærsta aðdráttaraflið er þó eitt allra stærsta pípuorgel heims frá árinu 1781 og telur hvorki fleiri né færri en tæplega 6.600 hljóðpípur. Til samanburðar eru aðeins 5300 pípur í flottu orgeli Hallgrímskirkju.

Þá finnst mörgum forvitnilegt að vita að hér gifti sig Victor nokkur Hugo á sínum tíma og markgreifinn De Sade og skáldið Baudalaire voru hér skírðir.