Einhver gæti haldið að milljarða króna innspýting bandarísks vogunarsjóðs inn í lítið íslenskt flugfélag myndi nú loks koma hlutabréfum flugfélagsins á hreyfinu upp á við. En svo er ekki.
Áfram niðurgangur þrátt fyrir að rjómi íslenskra viðskiptajöfra stjórni Icelandair. Mynd Icelandair
Tæpur mánuður síðan bandaríski vogunarsjóðurinn Par Capital Management keypti bréf í Icelandair fyrir litla 5,6 milljarða króna. Þau kaup færðu gengi bréfa í flugfélaginu umsvifalaust upp um rúm átta prósent á hlutabréfamörkuðum. En síðan hefur sigið duglega á ógæfuhlið.
Eitt stykki bréf í Icelandair kostaði við lok þessa dags átta krónur og níutíu og þrjá aura. Fallið er því rúm fjórtán prósent frá því að tilkynnt var um risakaup bandaríska sjóðsins.
Slælegt gengi á hvaða tungumáli sem er. Stóra spurningin er hvers vegna íslenskir lífeyrissjóðir, sem enn eiga stærsta hlutinn í flugfélaginu, heimta ekki feita vorhreinsun á stjórn og yfirstjórn flugfélagsins. Því ef að risakaup erlends aðila duga ekki til að koma skikki á hlutina og trúverðugleika hjá fjárfestum er fátt eftir í stöðunni annað en sparka sitjandi stjórum út í hafsauga.
Nema auðvitað að lífeyrissjóðirnir vilji fá sem minnst fyrir peninginn…
