Er þetta fallegasta þorpið í Svíþjóð?

Þ að þarf ekki lengi að flakka um Svíaveldi án þess að þurfa að stoppa og taka myndir lon og don því allt er stórkostlegt. Mjög fallegt land með mikla, fjölbreytta og kostulega náttúru burtséð frá hversu Svíar sjálfir geta verið með allra leiðinlegasta fólki norðan Alpafjalla.

Með fleiri þúsund smáeyjur og sker meðfram allri súperlangri strönd landsins þar sem hver staður er betri en sá síðasti er æði flókið, og kannski kjánalegt, að lýsa yfir að einhver einn staður sé fallegri eða kostulegri en annar. En smábærinn Astol gæti farið langleiðina með þann titil.

Þetta agnarlítil eyja sem er næstum að hálfu bara sker um það bil 40 kílómetra frá Gautaborg og aðeins þarf fyrir að hafa til að komast hingað. Til þess þarf annaðhvort að þekkja einhvern smábátasjómanninn sem er til í að redda þér ellegar halda til smábæjarins Rönnang og taka bát þaðan út í eyjuna.

Hérna búa og lifa rúmlega 300 manneskjur og lifa að mestu af fiskeríi og nokkrum fjölda ferðafólks að sumarlagi og þar mest Svía sjálfa sem heyrt hafa um staðinn. Það má kannski segja að Astol sé Flatey þeirra Svía sem setur hlutina kannski í samhengi.

Í öllu falli þykir mjög móðins að taka skrefið þangað einn dag eða svo og þó lítil sé þorpið er þar að finna ágætan veitingastað og bar, litla verslun og heilt baðsvæði sérstaklega fyrir börn.

Hér eru einhverjir sem leigja út gistingu en þeir fáir og líklega fer best á að láta hálfan eða heilan dag duga og halda í land á ný enda setið um þau fáu gistipláss sem þó finnast hér.