E kki svo að skilja að við hér mælum neitt sérstaklega með skíðaiðkun í fæðingargallanum. Kaldur vindur og enn kaldari snjór vill gjarnan smokra sér á suma dekkri og viðkvæmari staði líkamans. Svo er pínulítið vandræðalegt að setjast í rassafarið í skíðalyftunum.
Merkilegt nokk er til skíðasvæði þar sem nekt þykir barasta fínasta mál. Skjáskot
En ef þú vilt út úr þægindarammanum, prófa eitthvað sem þér hefði aldrei dottið til hugar að væri eitthvað raunverulegt og vilt monta þig gagnvart barnabörnunum er kannski óvitlaust að setja kompásinn til fjallabæjarins Obertraun í Austurríki.
Ef nekt í brekkunum er ekki að gera sig er stutt í þennan kostulega smábæ í Alpafjöllunum. Skjáskot
Kannski ekki gáfulegt að sýna barnabörnunum beinlínis myndir frá Obertraun sökum þess að nekt hvers kyns þykir hér í bestasta mál í brekkunum. Það meira að segja kynnt undir slíku með aðdróttunum í garð þeirra sem klæða sig í skíðafatnað.
Þú ert, með öðrum orðum, næstum kjánaleg/-ur í fatnaði í brekkunum við Obertraun. Nektarsinnar kalla þetta mekka skíðaiðkunar og ætti að segja allt sem segja þarf. Hér er illskárra að skíða allsber en að skíða.
Þau ykkar sem eruð feimin við að bera allt klabbið í hvítum brekkum eins og ekkert sé sjálfsagðara ættuð þó ekki að örvænta. Það vill nefninlega svo til að bærinn Obertraun, og auðvitað skíðabrekkur bæjarins, er staðsettur þvert á móti fallegasta bæ Austurríkis og einum fallegasta bæ veraldar: Hallstatt. Ein bátsferð yfir Hallstatter See og þú getur notið fegurðar án þess að tippalingur eða pjalla sé að bjaga sýn.
