Séu einhverjir Íslendingar á ferð um Tævan á næstunni er hægt að gera vitlausari hluti en kíkja á Modern Toilet. Það er einn vinsælasti veitingastaður landsins.
Eftirrétt einhver? Mynd butterforfilm
Hljómar reyndar ekki spennandi enda eiga einhvern veginn orðin klósett og veitingastaður lítið sameiginlegt.
Þetta er engu að síður sá veitingastaður í landinu sem hvað hraðast vex og virðist fólk ekki leggja fyrir sig að éta mat upp úr klósettskálum og sitja bókstaflega á klósettum við máltíðina. Þvert á móti. Í landinu þykir þetta hinn skemmtilegasti hlutur. Slagorð staðarins þykir líka móðins: go pee-pee or go poo-poo.
Modern Toilet Restaurant selur reyndar ágætan mat en gestir sitja á klósettum við snæðing og borðið sjálft getur verið vaskur eða baðker jafnvel og allur matur er afgreiddur í klósettskálum. Vinsælasti eftirrétturinn á staðnum er brúnn súkkulaðiís.
Merkilegt nokk eru eigendurnir svo ánægðir með viðtökurnar að útibú hafa verið opnuð á meginlandinu í Kína, Hong Kong og Japan og eru nú einir átján slíkir slíkir staðir starfandi í suðaustur Asíu.
Heimasíðan hér ef einhver er heitur að prófa.
