Ó hætt er að taka hattinn ofan fyrir flugumferðarstjórum um allan heim og ekki síst eftir að sjá svart á hvítu, eða gult á bláu í þessu tilfelli, hversu flókið það hlýtur að vera að halda allt að tvö þúsund farþega- og flutningavélum á lofti í einu og að mestu leyti óhappalaust.
Forvitnilegt að skoða annars lagið vefinn Flightradar24.com en þar má sjá flugumferð hvarvetna í veröldinni í rauntíma. Þar má líka sjá tegund véla, hraða þeirra og hæð og fleiri upplýsingar.
Ekki er laust við að manni bregði við að sjá hversu ógnarmikill fjöldi véla eru í loftinu á sama tíma á sömu slóðum kringum helstu flugvelli heims.
Sérstaklega er áberandi á morgnana gríðarleg traffík kringum í og við Bretland og austurströnd Bandaríkjanna. Á fyrrnefnda staðnum fara stundum um yfir tvö þúsund vélar á sama tíma. Fæst alveg nýr skilningur á því hvers vegna oft á tíðum farþegavélar verða að hringsóla töluverðan tíma áður en þær geta lent á Heathrow flugvelli í London.
Auðveldlega má finna einkennisnúmer hverrar vélar sem á lofti er og því hægt að fylgjast með ákveðnum vélum. Ólíkt skemmtilegri leið en Kef.is til að vita hvenær ættingi er að lenda í Keflavík eða hvort vél vina fór af stað á réttum tíma.
[alert close=no]Það er aldeilis fín leið til að fylgjast með vinum eða ættingjum í flugi. Nota þetta til að átta sig á hvenær rjúka þarf af stað í Leifsstöð til að sækja einhvern til dæmis[/alert]