R æddu við Skota og hann hoppar hæð sína í herklæðum og pilsi og jánkar eins og óður maður. En spurðu líka heimamann handan landamæranna í Englandi og sá mun kjammsa um hríð áður en hann tekur nokkurn veginn undir.
Fallegur staður en er hann sá fallegasti?
Spurningin sem hér um ræðir varðar það hvort Scott´s View er virkilega einn fallegasti staður í öllu Bretlandi.
Á þeirri skoðun eru ansi margir og þeirra á meðal skoska þjóðhetjan Walter Scott sem þó lítt sé kunnur á klakanum var eitt allra þekktasta og vinsælasta skáld Skota og naut skáldskapur hans vinsælda víðar en það.
Ákveðinn staður á hæð einni við landamæri Skotlands og Englands ber nafn Scott þessa sökum þess að hann taldi víst að fegurri útsýn en þaðan væri ekki að finna í Bretlandi öllu.
Um það má deila en eins og myndin ber með sér er alveg óhætt að doka við hér á leið um svæðið því vissulega er fallegt yfir að líta. Hér dvaldi skáldið lon og don á sínum tíma og þjóðernissinnaðir Skotar fljótir að eigna honum hæðina og útsýnið með.
Svona fyrir þá sem ekki finnst mikið til koma þá er ekki langt í næstu viskíverksmiðju héðan en sagan sannar að sá mjöður hjálpar til að gera bæði hluti og manneskjur fallegri en ella.
