Hmmm! Enginn hjá hinu bandaríska Boeing að kveikja á einni einustu 12 vatta peru varðandi meingallaðar Max-vélar fyrirtækisins. Fyrirtækið ekki lært eina einustu lexíu og hamrar nú þingmenn hægri vinstri til að fá bandarísk flugmálayfirvöld til að leggja flýtiblessun yfir meingallaðar rellur fyrirtækisins.
Stjóri Icelandair ætlar að bjóða fólki upp á Max-vélar Boeing hvað sem tautar og raular…
Stjóra Boeing sagt upp störfum þennan daginn í von um að nýr plebbi geti bjargað því sem bjargað verður af orðspori fyrirtækisins. Sem hann getur auðvitað ekki því gengi Boeing veltur ekki á hvort Jón Guðmundsson eða Jón Valdimarsson eru príma sálir.
Á sama tíma lætur Bogi Nils Bogason, forstjóri Icelandair, eftir sér hafa að Icelandair ætli sér að brúka Max-vélar Boeing hvað sem tautar og raular um næstu áraraðir.
Hversu dömm getur einn maður verið???
Á sama tíma og Boeing reynir enn og aftur að fá flýtimeðferð með kyrrsettar Max-vélar sínar með fjárhagslegum þrýstingi á stjórnvöld og eftirlitsaðila og á sama tíma og hin og þessi flugfélögin lofa að leyfa fólki að breyta bókun ókeypis ef flug er með Max-rellum Boeing í framtíðinni, stígur stjóri Icelandair fram og lofar eilífum stuðningi Icelandair við Max-vélarnar. Þær verði sko aldeilis stór hluti af flugflota Icelandair í framtíðinni…
Þetta sami gaur og taldi fínt mál að fljúga Max-vélum Boeing þangað til vitiborið fólk í Kanada og Þýskalandi og Kína bönnuðu flug með þeim rellunum eftir tvö alvarleg flugslys sem kostuðu hundruði mannslífa. Flugslys sem nú má líklega rekja til græðgisvæðingar Boeing.
Ljóst má vera að með Boga Nils í broddi fylkingar hjá Icelandair ætti að reynast auðvelt fyrir ný flugfélög á borð við Play að ná feitu markaðsforskoti á næstu árum. Því þetta er stjóri sem lætur sig engu varða hvað hugsanlegir framtíðarviðskiptavinir vilja eða kjósa. Það þarf merkilega íslenska fjölskyldu sem sest um borð í Max-vél Icelandair sísona í framtíðinni þó bandarísk flugmálayfirvöld veiti blessun sína einhvern tímann á næsta ári. Sömu flugmálayfirvöld og gáfu grænt ljós þó rellurnar væru meingallaðar frá upphafi.
Út með manninn!
