Sex atriði sem gott er að hafa bak eyra við leigu á húsbíl erlendis

T veir af fjórum úr ritstjórn prófað að leigja húsbíl erlendis. Annar vestanhafs í Bandaríkjunum og hinn austanhafs í Þýskalandi. Ekkert nema gott eitt um að segja en þó eitt og annað sem gott er að hafa hugfast áður en skrifað er undir leigusamning um húsbíl.

Með góðum fyrirvara má leigja fínan húsbíl í viku í Frakklandi eða Þýskalandi allt niður í 70 þúsund krónur að sumarlagi. Vestanhafs í Kanada eða Bandaríkjunum má sömuleiðis víða finna húsbíla niður í 80 til 90 þúsund krónur á vinsælum tímum en aftur aðeins ef bókað er með drjúgum fyrirvara. Leiga hækkar mjög ört eftir því sem nær dregur.

Vissulega aðeins lægra verð en þú greiðir hér heima í landi græðgi og gróða en nett leit leiðir í ljós að vikustund á húsbíl hér heimavið um miðjan september kostar að lágmarki 270 þúsund krónur!!! Bara 200 prósent hærra verð en vestan- og austanhafs.

Að því sögðu er ráðlegt að skoða allt smátt letur í leigusamningum í þaula áður en bíll er bókaður eða skrifað er undir nokkurt plagg.

Ekki aðeins er mikill munur á því sem innifalið er í húsbílaleigu í Bandaríkjunum annars vegar og Evrópu hins vegar heldur er líka mikill munur á hvert þú mátt aka húsbíl, hversu lengi dags eða hversu marga kílómetra. Víða má finna sallafín tilboð en smáa letrið leiðir í ljós að í þeim tilboðum er ALLS ENGINN AKSTUR INNIFALINN eins og sjá má á meðfylgjandi skjáskoti. Það er því kominn aukakostnaður um leið og þú ekur útaf bílastæðinu hjá leigusala.

Ekki nóg með það. Kaninn bætir gjarnan alls kyns þvælu ofan á prísinn en lætur þig ekki vita fyrr en þú skilar druslunni og reikningurinn töluvert hærri en þú reiknaðir með. Eða hvers vegna borga aukalega fyrir „Kitchen Kit” eða „Vehicle Preperation” eins og líka má sjá á meðfylgjandi skjáskoti frá vinsælli húsbílaleigu. Kitchen Kit merkir hnífapör og diskar og Vehicle Preparation þýðir að bíllinn er tilbúinn þegar þú leigir tíkina. Ekta Kaninn að setja aukagjöld á sjálfsagða hluti en það kostar þig extra nema þú rýnir í smáa letrið strax við leigu í upphafi.

Hlutirnir almennt miklu betri í Evrópu. Þar finnur enginn Kitchen Kit eða Vehicle Preparation aukagjöld ofan á leiguverðið en það geta komið til aukagjöld ef þú ferð yfir landamæri plús auðvitað að ekki er allar húsbílaleigur jafn heiðarlegar eins og gerist.

Og svo framvegis og svo framvegis. Hér sex atriði sem þú ættir að spyrja út í ÁÐUR en þú leigir húsbíl:

Hver er ábyrgð leigutakans? Þarf viðkomandi að greiða fyrir sprungið dekk svo dæmi sé tekið eða er slíkt dekkað í samningnum? Hversu oft er húsbíllinn þjónustaður? Þetta skiptir sérstaklega máli vestanhafs þar sem reglan er að leigja út miklu eldri húsbíla en gerist austanhafs. Ekki óalgengt að margir þeirra séu eknir 300 til 400 þúsund kílómetra og við þær aðstæður er ágætt að vita hversu oft tíkin fær yfirlegu. Jafnvel þó aðstoð fáist ef tíkin bilar þá kostar það tíma og tíminn er extra dýrmætur á ferðalögum. Hvað með rafmagnsnotkun? Margir nýrri húsbílar eru með sinn eigin rafgeymi sem sér öllu fyrir rafmagni tímabundið ef ekki er komist í rafmagn á gististöðum. Sumir leiguaðilar taka sérstakt gjald fyrir þá notkun en aðrir ekki.   Fyrirframgreiðsla og ef svo er hún hluti af heildarkostnaði? Húsbílaleigur plokka eins mikla peninga af fólki og Arion banki og á svipað mismunandi hátt. Sumar leigur gefa þér leiguverð án þess að nefna að ofan á það bætast „öryggisgjöld” og „geymslugjöld” ofan á heildarkostnaðinn þegar bíl er skilað. Aðrar gera það ekki. Fáðu þetta á hreint áður en þú skrifar undir.   Kílómetragjald, landamæragjald eða fylkisgjald? Það oft hvergi tekið fram í skilmálum við upphaf leigu en fjölmargar húsbílaleigur leggja á feitt aukagjald ef þú ferð milli landa, fylkja eða keyrir lengra en ráð er fyrir gert. Vestanhafs er það víða svo að „ótakmarkaður” akstur gildir aðeins ef þú ekur í einu og sama fylkinu. Austanhafs er það líka raunin að aukagjöld koma til ef þú ekur milli landa. Spurðu út í þetta því aukakostnaðurinn getur verið óþægilega hár.   Hvað nákvæmlega er innifalið? Það kann að hljóma kjánalega en sumar húsbílaleigur er svo bíræfnar að leigja út klabbið án þess að tiltaka að húsbíllinn er næsta tóm skel. Með öðrum orðum; ef þú vilt dýnu fyrir rúmið, hillur í ískápinn eða fjarstýringu með snallsjónvarpinu eða annað það sem eðlilegt er að fylgi með við leigu á húsbíl þá getur það kostað extra. Það gerir jú enginn ráð fyrir öðru en að húsbíll sé með helstu þægindum og skoðar því ekki smáa letrið eða gleymir að spyrja áður en bókun á sér stað.

En svona fyrir okkur hin sem viljum bara lungnamjúka dýnu og sængurföt frá Dolce & Gabbana strax eftir að við skráum okkur inn er óvitlaust að kíkja á ÁTTFALDAN heimsmeistara í hótelbókunum hér að neðan 🙂