F átt er spænskara í hugum margra en flamenco dansinn sem hvað vinsælastur er í Andalúsíuhéraði. Eftir mikla lægð meðal áhugamanna á áttunda og níunda áratugnum hefur flamenco nú náð aftur sínum fyrri vinsældum og það mun víðar en aðeins á Spáni. Þá eru og að koma fram ný afbrigði af þessum glæsilega dansi.
Deila skal gleði og harmi sínum. Um það snýst flamenco dansinn. Mynd Cobrer
Sú hugmynd að flamenco dans sé þaulæft dansafbrigði er nokkuð algeng en ekkert er fjarri sanni. Hver og einn einasti flamenco dans er einstakur að því leyti að hann er sjaldnast æfður (nema á túristasýningum) heldur hreyfa söngvarar og eða dansarar sig í takt við líðan sína það og það skiptið. Í hnotskurn snýst flamenco aðeins um að tjá líðan sína í dansi eða með söng eða ljóðum.
Þannig er til að mynda tvennt ólíkt að upplifa flamenco í Andalúsíu eða Kastilíu. Í Sevilla dunar slíkur dans oft á götum úti og frægir dansarar taka sporin í litríkum klæðum. Elstu, bestu og vinsælustu flamenco staðirnir í Madrid eru hins vegar vel faldir, dimmir og litlir barir þar sem ekkert er lagt upp úr klæðaburði en því meira upp úr söngnum. Lifa gestir sig þannig mun betur inn í upplifunina en ella.
Fer þeim fjölgandi börunum, kallaðir Tablao, sem bjóða upp á annaðhvort flamenco sýningar eða gestir geta sjálfir gerst þátttakendur og gildir þá einu hvers lenskur maður er. Engin spurning er að þótt víða í borgum Spánar megi finna slíka bari er Sevilla mekka flamenco. Þar er enda eina flamenco safnið í veröldinni. Heimasíða þess er hér.
Hér að neðan er listi yfir helstu tablao staði í Andalúsíu. Hafið í huga að flestir eru þeir dýrir á spænskan mælikvarða enda meirihluti þeirra sniðinn að ferðafólki en ekki heimamönnum. Engar áhyggjur að rata ekki. Flestir ef ekki allir leigubílstjórar á viðkomandi svæðum þekkja mætavel til þessara klúbba.
SEVILLA
Casa de la Memoria
El Tamboril
El Arenal
El Patio Sevillano
La Gitanilla
Las Brujas
Los Gallos
Palacio del Embrujo Andaluz
Puerta de Triana
Casa Carmen
CADIZ
Restaurante Don Miguel
Bodega Jesus
Bodegón Rociero Marismas
Taberna Flamenca
El Lagá del Tío Parrilla
Taberna Flamenca La Cava
Bodega Obregon
Bar Ministro
Tablao Bereber
Taberna el Marques de Cadiz
CORDÓBA
La Caseta
La Garrocha
Cardenal: c/ Torrijos
La Bulería
Malaga/Marbella/Torremolinos
Bona Dea
Rincon Flamenco Carrete
El Biznaguero
El Jaleo
Sala Rociera el Tamboril
Tablao Flamenco Ana María
Vista Andalucia: Avenida de los Guindos
Casino, Plaza del Socorro
Sala Vivero Poligono La Estrella
La Mesonera
GRANADA
Cueva de Manolo Amaya
Cueva de María la Canastera
Cueva de la Faraona
Cueva de la Golondrina
Cueva del Pitirrilí
Cueva del Rocío
El Curro
Jardines de Neptuno
Los Tarantos
Reina Mora
Mirador de San Cristóbal
Venta Luciano
Zambra Gitana
