J örðin okkar er makalaust frábær staður og er sífellt að koma okkur á óvart enda síbreytileg. Við Íslendingum erum engir aukvisar þegar kemur að undarlegum stöðum á jarðríki enda landið troðfullt af stórmerkum stöðum sem eru einstakir í heiminum.
En svo er um fleiri lönd en okkar. Ritstjórn Fararheill hefur tekið saman fimm staði sem þykja undarlegir á einn hátt eða annan og gætu allir kveikt ferðaneista hjá ævintýragjörnu fólki á klakanum.
-
- Suqatraeyja, Yemen, Austurlöndum. Undan strönd Yemen er þessi litla eyja sem aðeins nýlega var farið að rannsaka. Ekki leið á löngu áður en eyjan í heild sinni var sett á heimsminjaskrá sökum þess að plöntur allar þar hafa vaxið á stórundarlegan hátt. Finnast þar hundruðir einkennilegra tegunda sem hvergi sjást annars staðar. Hvaða tré til dæmis gæti lifað af eins og þessi á myndinni sem lifir þó góðu lífi? Mynd Alexbip.
-
- Tyrkland lumar á ýmsum merkum náttúruminjum en þessa auglýsa þeir ekkert sérstaklega. Pamukkale heita þessi marmarapallar en um þá flæðir náttúrulega heitt vatn. Eðli málsins samkvæmt voru menn hér áður fljótir að nota þá til jarðbaða en það er óheimilt í dag sökum ágangs. Mynd Dachalan.
-
- Koekoheströndin, Nýja-Sjálandi, Eyjaálfu Margir fræðingar velta vöngum yfir hvers vegna allir hnullingar og steinar á ströndinni Koekohe á Nýja-Sjálandi eru allir undarlega hringlaga. Kannski ekki í frásögur færandi nema vegna þess að slíkt finnst ekki á nokkurri nálægri strönd. Er talið víst að þeim hafi skolað upp á land frá sjávarbotninum þar sem þeir mynduðust á milljónum ára. Mynd Sheila Allen.
-
- Eisriesenwelt, Austurríki, Evrópu Utan frá er nákvæmlega ekkert sem bendir til annars en um lítinn hellisskúta sér að ræða. En hulinsheimurinn sem þarna er inni er vægast sagt stórkostlegur. Stærsti íshellir heims og heilir 42 kílómetrar á lengd sem þýðir að hægt væri að þreyta þar löglegt maraþonhlaup. Mynd Aszriel 100.
-
- Bládjúpið er það kallað þetta ævintýralega risadjúp á grunnsævinu undan ströndum Belís. Eru fleiri svona djúp á þessum slóðum en ekkert jafn stórfenglegt og djúpt. Undir niðri eru gríðarmiklar hellamyndanir sem teygja sig marga kílómetra í allar áttir. Þar finnast reglulega sjávardýr sem ókunn eru líffræðinni. Mynd EAdviser.
