Hvernig virka ferðatryggingar nú þegar kórónafaraldur geysar um heimsbyggðina. Dekka ferðatryggingar eitthvað ef við þurfum að breyta einhverju, dvelja lengur eða skemur á tilteknum stað eða beinlínis hætta við allt saman?
Veikindi vegna faraldurs á faraldsfæti? Ekki búast við skilningi frá tryggingafélögum.
Góðar spurningar sem við höfum verið að fá frá lesendum þessa vikuna.
Margir með áhyggjur af ferðalögum nú þegar heimsfaraldur geysar (jafnvel þó Alþjóðaheilbrigðisstofnunin vilji ekki viðurkenna það.)
Þegar þetta er skrifað hefur kórónaveiran blossað upp í Íran, Ítalíu, Ástralíu, Bandaríkjunum, Kína, Spáni, Bretlandi, Frakklandi, Þýskalandi, Víetnam, Japan og Indlandi. Kjánalegt annað en gefa sér að vírusinn hafi dreift sér mun víðar en það.
En hvað ef ferðalög okkar riðlast vegna faraldursins? Erum við tryggð fyrir slíku?
Svarið við því er næstum hundrað prósent NEI!
Aðeins þarf að lesa smáa letrið í skilmálum ferðatrygginga til að vita að vesen vegna heimsfaraldurs eða annarra hörmunga sem fræðingar tryggingafélaga hafa ekki séð fyrir er ekki dekkað svo lengi sem fólk vissi af hættunni þegar för var hafin.
Nú þegar kórónavírusinn hefur geysað um mánaðarskeið verður afar erfitt að sannfæra fræðinga tryggingafélaga að þú eða þið búið í helli á Snæfellsnesi og hvorki með aðgang að neti, blöðum, sjónvarpi eða útvarpi. Með öðrum orðum að þú hafir aldrei haft græna hugmynd um einhvern faraldur þarna úti.
Það tapað spil nema þú raunverulega búir í helli á Snæfellsnesi. Og þá vaknar spurningin hvernig þú hefur efni á ferðalögum út í heim sísona…
