Því lengra sem grafið er í skítahauginn sem er flugvélaframleiðandinn Boeing því verri verður lyktin. Einn helsti gæðastjóri fyrirtækisins um 30 ára skeið ætlar aldrei nokkurn tíma upp í Dreamliner-vél Boeing.
Enn meiri skítur um framleiðslu Boeing fram í dagsljós. Mynd JetStar
Aðeins ólesandi einfeldingar vita ekki um vesenið með Max-vélar Boeing flugvélaverksmiðjunnar í Bandaríkjunum. Þar farnar hjáleiðir villt og galið við framleiðsluna til að spara kostnað fyrir utan að láta relluna taka völdin af flugmönnunum við sérstök tækifæri án þess að láta flugmenn vita.
En Max-týpan er ekki eina vélin sem glímir við vandamál. Það gerir líka flaggvél fyrirtækisins, Dreamliner, ef marka má einn helsta gæðastjóra Boeing um 30 ára skeið. Sá var spurður nýverið út í Dreamliner vélarnar og svarið stutt og laggott: ég mun aldrei stíga upp í þær vélar!!!
Gæðastjórinn, John Barnett, lýsir í smáatriðum hversu Boeing sneiðir hjá hinum ýmsu reglum til að koma rellunni atarna í loftið en fyrirtækið eyðir að meðaltali 1,5 milljarði króna árlega í lobbíista sem berjast gegn öllum nýjum lögum, reglum eða takmörkunum sem stjórnvöldum dettur í hug að setja á flugbransann. Leiða má líkur að því að sá þrýstingur hafi orðið til þess að bandarísk flugmálayfirvöld gáfu Boeing aldeilis fríar hendur við hönnun, framleiðslu og kynningu á Dreamliner og Max vélum fyrirtækisins. Svo fríar hendur að opinbert eftirlit var annaðhvort ekkert eða í mýflugumynd.
Lobbíismi Boeing á bandaríska þinginu síðustu áratugi. Meðalupphæðin á ári 1,5 milljarður króna. Skjáskot Open Source
Icelandair, sem er með þrjár Max-rellur á lagernum, gerir ráð fyrir að þær fari í loftið að nýju í marsmánuði samkvæmt fréttatilkynningum þar um. Engum blaðamanni hefur dottið í hug að spyrja forráðamenn flugfélagsins hvort þeir telji Max-vélar eiga sér framtíð eftir tvö hræðileg flugslys. Eða ætlar þú óhikað að fljúga í Max-vélum þegar og ef þær fá grænt ljós á ný?
