L andslag væri lítils virði ef það héti ekki neitt skrifaði Tómas Guðmundsson eftirminnilega í ljóði sínu Fjallganga fyrir margt löngu. Orð að sönnu að örnefnin eru nauðsynleg og veita bæði ánægju og fyllingu hvert sem farið er.
Frægasti Sykurtoppurinn er auðvitað þessi í Ríó
Nema hvað sum örnefni eru vinsælli en önnur og hvort sem menn trúa því eður ei eru til fjöll í einum fimm löndum heims sem heita Sykurtoppur. Þó ekki á íslensku.
Það er þó með þeim formerkjum að frægast þeirra allra, Pão de Açúcar í Ríó de Janeiro í Brasilíu, heitir í orðsins fyllstu Sykurhleifur en ekki Sykurtoppur þó þekktari sé hann undir síðarnefnda nafninu og reyndar auglýstur þannig hjá þarlendum ferðaskrifstofum.
Sykurtoppa má líka finna á nágrannaríkjum okkar Grænlandi og Noregi og að auki í Þýskalandi og Georgíu.
Þú mátt reyndar leita lengi að sykurtopp þeirra Grænlendinga. Það er ekki einu sinni fjall eða tindur heldur bær og aðeins Danir kalla bæinn Maniitsoq Sykurtopp.
