F áir, ef nokkrir, Íslendingar þekkja betur hversu stórkostlegt er að ferðast um Grænland en ljósmyndarinn Ragnar Axelsson. Hann hefur ferðast um og ljósmyndað víða á Grænlandi og fáir hafa hans auga fyrir fegurð náttúrunnar.
Litrík húsin skapa mikla andstæðu við skjannahvíta jöklana við Ilulissat. Mynd Ludovic Hirliman
Fararheill.is lék forvitni að vita hvaða stað á þessari stærstu eyju heims Ragnar myndi sérstaklega mæla með fyrir þá Íslendinga sem áhuga hafa að skoða þennan nágranna Íslands til vesturs.
Ragnar var eldfljótur til svars og þurfti greinilega ekki að hugsa sig lengi um. „Ég mæli með Ilulissat. Þar er hægt að sigla um og sjá risaísjaka sem hafa brotnað úr jöklinum og fljóta á haf út í ísfirðinum. Sennilega kemur jakinn sem sökti Titanic þaðan. Annars er allt Grænland spennandi það er bara svo dýrt að ferðast um landið.“
Dýrt er orð að sönnu. Langi mann að heimsækja Ilulissat í beinu flugi með Flugfélagi Íslands þarf viðkomandi að lágmarki að greiða 150 þúsund krónur fyrir eins og lesa má um hér.
Allt sem þú vilt vita um Ilulissat hér.
