Sé peningur eftir í veskinu og þreyta í sál er þetta aldeilis dagurinn til að breyta því. Tilboð eru hjá öllum þremur flugfélögum þeim sem hér starfa.
París kallar og það á tilboðsverði alveg niður í 12.900 krónur aðra leiðina. Út með þig!
Icelandair býður nú hraðtilboð til Osló, Stokkhólms og Kaupmannahafnar en til hádegis þann 7. september fæst ferð aðra leiðina til þessara staða á 14.900 krónur með sköttum og gjöldum. Allar ferðir verður að fara milli 4. október og 13. desember.
Iceland Express býður til miðnættis í kvöld eina fimm áfangastaði sína á tilboðsverði. Þeir eru Barcelóna, París, Berlín, Varsjá og Alicante og prísinn til þeirra allra aðra leiðina 14.950 krónur.
Wow Air býður aðra leiðina til Berlínar og Parísar á 12.900 krónur og eru þau tilboð sömuleiðis í boði til miðnættis í kvöld. Báðar leiðir í boði til 15. október.
