Skip to main content

Ó trúlega margir virðist velkjast í vafa hvað það þýði nákvæmlega þegar ferðaskrifstofur auglýsa gistingu með hálfu fæði.

Hálft fæði er oft auglýst á gististöðum en ekki er alltaf um nákvæmlega sama hlut að ræða. Skjáskot

Hálft fæði er oft auglýst á gististöðum en ekki er alltaf um nákvæmlega sama hlut að ræða. Skjáskot

Svarið við þessu er fræðilega æði einfalt en sökum þess að ekki allir spila eftir sömu nótum hefur töluverður ruglingur komist á gegnum tíðina.

Í grunninn þýðir hálft fæði að evrópskum hætti að innifalinn er morgunverður og ein önnur máltíð yfir daginn. Slík tilboð buðust fyrst fyrir rúmum þrjátíu árum í Frakklandi þegar smærri gistihús reyndu að lokka til sín gesti með svokölluðu demi-pension sem útleggst media pension á spænsku og half-board á ensku svo dæmi séu tekin. Hálft fæði á íslensku sem sagt í beinni þýðingu.

Á gististöðum nútímans þýðir hálft fæði hins vegar undantekningarlítið að innifalið er morgunverður og kvöldmatur. Stöku hótel rugla þó allt kerfið og bjóða morgunverð og hádegismat og þau sem hugsa hvað best um sína gesti leyfa þeim yfirleitt að ráða hvor máltíðin verður fyrir valinu. Sakar aldrei að spyrja ef vafi leikur á.

Annað sem fólk ætti að hafa hugfast er að gera verðsamanburð á aðeins morgunverði annars vegar og hálfu fæði hins vegar. Því þótt þægindin séu töluverð að hafa allt á hótelinu þá er reyndin oft sú að kvöldverðurinn er mun dýrari með þeim hætti en ef fólk borðar bara á næsta veitingastað.