A llra óðustu menn verða sallarólegir á fimm mínútum sléttum eftir skot af hinum þekkta franska líkjör Chartrouse. Framleiðandinn sá eini í Frans sem gerir tvær útgáfur: eina fyrir karlmenn og aðra fyrir kvenfólk.

Rótsterkt áfengi framleitt úr 140 leyndardómsfullum náttúrulegum jurtum og berjum og það af himneskum munkum er ávísun á skemmtilegheit prontó 😉 Mynd Chartrouse.fr

Nú verða einhverjir samfélagsmiðlaáhrifavaldar geðveikir og dissa Fararheill eins og við séum sek um ebólufaraldurinn. Sérstaklega vegna þess að þú finnur ekki staf um mun á karlkyns Chartrouse og kvenkyns Chartrouse á netinu.

Við tökum það á brjóstið enda vant fólk við stjórn og við hlustað þegar bareigendur og barþjónar treysta okkur fyrir meiru en þessu hefðbundna…

Raunin er sú að þessi líkjör sem er án alls vafa einn sá allra ljúffengasti sem Frakkar hafa framleitt fæst í tveimur útgáfum. Grænn Chartrouse er eitt hundrað prósent einhver yndislegasti drykkur sem finnst undir sólinni og gæti vel verið einhver hollasti áfengi drykkur sem mannkynið hefur séð. Chartrouse er jú bara framleiddur úr 140 mismundandi berjum, laufum og blómum sem finnast í suðurhluta Frakklands og það af heilögum munkum í þokkabót. Við hér drukkið nóg af þeim gullna mjöð til að rölta inn um gullna hliðið án þess að blikka auga þegar sá tími kemur 😉

Hvers vegna verða óaldarmenn rólegir á fimm mínútum sléttum eftir einn Chartrouse?

Jú, fyrir því sú ástæða að alkohólmagnið í grænum Chartrouse er hvorki meira né minna en 55 prósent. Til samanburðar er „rótsterkt” íslenskt brennivín aðeins 37 prósent. Sem sagt algjör kettlingur miðað við grænt Chartrouse. En ólíkt brennivíninu sem oft vill gera gírað fólk enn gíraðra þá hefur Chartrouse undarlega róandi áhrif á sál og líkama.

Annað sem Chartrouse hefur og fer ekki hátt og enginn talar um opinberlega er að það er til Chartrouse fyrir karlmenn og Chartrouse fyrir kvenmenn. Kvenkynsútgáfan er gul og alkohólmagnið er mun minna eða „aðeins” 44 prósent. Samt nógu sterkt til að hafa róandi áhrif á verstu feminista. Enginn þorir að opna sig um það opinberlega en margir barþjónar á Isere-svæðinu í Frans gefa karlmönnum sjálfkrafa grænan Chartrouse meðan að kvenfólkið fær undantekningarlítið gulan Chartrouse. Þeir tala líka um grænan fyrir karlana en gulan fyrir kvenfólkið en þó ekki on-record 😉

Chartrouse er sem fyrr segir framleitt af munkum í franska bænum Voiron og enn þann dag í dag samkvæmt uppskrift frá árinu 1765. Klaustrið og framleiðsluna er hægt að vitna í eigin persónu og auðvitað bragða á herlegheitunum í leiðinni. Nánar um það hér.