B ærinn Viljandi er mitt á milli Pärnu í suðri og Tartu í norðri í Eistlandi og ágætur staður hálfan dag eða svo sé fólk á ferð á milli. Bærinn sjálfur alls ekki ómissandi og státar ekki af miklum menningarverðmætum en staðsetningin er fín á hæð yfir lítið vatn og náttúrufegurð töluverð.
Helsta aðdráttaraflið er vatnsturn bæjarins sem var sá fyrsti sem reistur var í landinu. Sá er 30 metra hár en sinnir ekki lengur frumhlutverki sínu heldur er búið að breyta honum í útsýnisturn. Þaðan er fínt útsýni yfir bæinn og vatnið.
Að öðru leyti er ekki margt í Viljandi sem hægt er að skrifa um heim. Víst er Kirkja heilags Jóhannesar myndarleg og rústir miðaldakastala heilla einhverja. Það er þó vafalítið Viljandi vatn sem dregur flesta að á sólríkum dögum en þá synda menn í vatninu og sóla sig eins og þeir eigi lífið að leysa.
Ekki langt frá bænum er þjóðgarðurinn Soomaa sem er afar vinsæll hjá vatnafólki enda í raun ein risastór mýri. Margs konar afþreyingu má þar fá og finna og dýralíf fjölskrúðugt en hafa skal í huga að flóð verða hér nánast á hverju ári.
