Skip to main content
golf

Golf í Karabíska

  31/07/2011febrúar 7th, 2021No Comments

Þó öllu færri Íslendingar þvælist um Karabíska hafið og lönd þess eftir bankahrunið eru ávallt margir sem eiga þann draum að eyða tíma þar enda allt annars konar og að sumu leyti betri stemmning í lofti þar en gerist á evrópskum sólarströndum.

Löndin í Karabíska hafinu eru þó öll tiltölulega fátæk sem hefur haft í för með sér að þjónusta og þjónustustig hefur verið töluvert minna þar en gengur og gerist í Evrópu.

Eitt vandamálið hefur verið að mati margra hversu lítið hefur verið hægt að komast í golf í fríum í Karabíska hafinu en það hefur breyst verulega á skömmum tíma.

Er nú hægt að spila á úrvals golfvöllum ansi víða en enn er sá galli á gjöf Njarðar að það er tiltölulega dýrt sport.

Neðantaldir golfvellir finnast á eyjum Karabíska hafsins:

* Verð miðast við gengi krónu í ágúst 2019.

KÚBA

Hér er aðeins einn einasti golfvöllur og er sá á strandsvæðinu Varadero. Varadero Golf Club heitir sá og þykir frambærilegur. Hringur á þessum velli kostar 11.000 krónur.

HAÍTÍ

Hér var lengi vel einn einasti golfvöllur líka sem enginn þó spilaði nema háttsettir embættismenn og moldríkir fjárfestar. Petionville Golf & Country Club í Bourdon nálægt Port-au-Prince var hins vegar í skyndi breytt í flóttamannabúðir í kjölfar jarðskjálftans sem lagði landið í rúst í byrjun árs 2010 og er svo enn.

DÓMÍNÍKANSKA LÝÐVELDIÐ

Það er hér sem golfferðamennska hefur náð mestum hæðum í Karabíska enda einir 18 golfvellir hér og nánast allir hafa verið byggðir upp úr aldamótunum 2000. Þeir eru þó langflestir tengdir hótelkeðjum og á þeim hafa hótelgestir ávallt forgang fram yfir aðra. Prísar rokka töluvert en vandfundinn er hringur undir 8.000 krónum.

JAMAÍKA

Þegar Bretar réðu hér ríkjum kom náttúrulega ekki annað til mála en planta nokkrum golfvöllum svo erindrekar og embættismenn hefðu eitthvað að gera annað en drekka skota frá hádegi. Ef frá eru taldir örfáir vellir sem lúxushótelkeðjur hafa sett upp undanfarin ár er golfáhugi almennt ekki mikill í landinu og einskorðast að mestu við ferðafólk. Hringir hér eru tiltölulega dýrir og 10.000 krónur á mann þokkalega sloppið.

ANGUILLA

Þessi litla eyja býr ekki yfir miklu plássi fyrir golfvelli enda þó eru hér tveir og báðir þykja á heimsmælikvarða. Prísinn þó brattur og enginn hringur undir 12 þúsund krónum.

PUERTO RICO

Hér er merkilegur fjöldi valla enda tilheyrir eyjan Bandaríkjunum og hingað sækir því kaninn meira fyrir vikið. Hér er hægt að finna hring á 6.000 krónur en oftar er verð þó hærra fyrir átján holur. Hafa skal í huga að fleiri en einn völlur er á nokkrum þessara staða.

ST.LÚCIA

TURKS & CAICOS

ST.THOMAS

ST.MARTEEN

  • Mullet Bay Resort

ST.CROIX

CAYMAN EYJUR

CANOUAN

BARBADOS

ARUBA

ANTIGUA & BARBUDA


View Golfvellir í Karabíska in a larger map

Tags:

Svipaðar greinar

golfInnblásturTíðindi Golf á Sand Valley í Póllandi þess virði?

Golf á Sand Valley í Póllandi þess virði?

Fararheillstaff
Fararheillstaff17/03/2023
golfInnblástur Kannski besta tækifærið til að hitta Tiger Woods í eigin persónu

Kannski besta tækifærið til að hitta Tiger Woods í eigin persónu

Fararheillstaff
Fararheillstaff21/12/2022
golfInnblástur Hvernig er gisting og golf á Carton House á Írlandi?

Hvernig er gisting og golf á Carton House á Írlandi?

Fararheillstaff
Fararheillstaff02/10/2022