Skip to main content

Það þyngra en tárum taki að Sigfús hjá Landsbjörg og Jónína hjá Ríkisendurskoðun striti baki brotnu 24/7 og þurfi að horfa á eftir tæpum helmingi launa sinna til Bjarna Ben fjármálaráðherra. Á sama tíma er pabbi sama Bjarna að moka in tugmilljónum króna og þarf bara að sjá eftir fimmtungi í skatta.

Eins og sjá má á meðfylgjandi skjáskoti af vef Tekjur.is er pabbi fjármálaráðherra ekkert mikið að leggja sitt af mörkum til samfélagsins.

Ef mark væri á tekið á tekjublöðum lifir aldraður pápi fjármálaráðherra á götunni og hefur varla efni á daglegum tyggjópakka.

Sem segir allt sem segja þarf um tekjublöð því Benedikt Sveinsson, faðir Bjarna Benediktssonar, mokar inn seðlum eins og enginn sé morgundagurinn. Karlinn á horriminni hvað launatekjur varðar með heilar 65 þúsund krónur á mánuði. En sé litið á fjármagnstekjur þá brosir Benni gamli í bankanum 365 daga á ári enda leggur hann inn tæplega FJÓRTÁN MILLJÓNIR KRÓNA á bókina sína hvern einasta mánuð ársins.

Af þeirri heljarinnar upphæð greiðir pápi aðeins rúmlega 20 prósenta skatt!!!

Benedikt Sveinsson því klárlega einn þeirra sem njóta miklu betri kjara hjá hinu opinbera en við hin og því sjálfsagt mál að bæta úr því með því til dæmis að hætta öllum viðskiptum við fyrirtækin sem pápi á hluti í. Eins og til dæmis Kynnisferðir sem rekur Flugrútuna sem aftur flytur fólk milli höfuðborgarsvæðisins og Keflavíkurflugvallar. Betur þekkt sem FlyBus og er fín leið í flug og úr flugi frá Keflavík ef fólk nennir ekki eða getur ekki notað sinn eigin fararskjóta.

En þegar helsti eigandi Kynnisferða, Flybus, er milljarðamæringur og greiðir aðeins brot af tekjum sínum í skatta er alls óhætt að leita ALLRA ANNARRA LEIÐA.  Því með viðskiptum við Kynnisferðir ertu að segja að það sé bara allt í lagi að milljarðamæringar greiði lægri skatt en við hin.

Og það er galin hugmynd…