Mörg ykkar getið lítt hugsað ykkur að bregða undir betri fætinum í sumarfrí strax í lok maí eða byrjun júní og fyrir vikið þarf oft að greiða allt að því tvöfalt verð fyrir sams konar ferð mánuði síðar í júlí eða ágúst. Það á við um sérdeilis fína ferð til Sardiníu í vikustund á tilboðsverði þessa dagana.
Ein af betri ströndum Ítalíu aftur og aftur er Costa Smeralda. Mynd Andrea
Fararheill hefur áður fjallað um strandlengju á Sardiníu sem nefnd er Costa Smeralda en það hefur lengi verið einn heitasti áfangastaðir ítalskra stórstjarna og segir sitt að hér á hinn rammspillti Silvio Berlusconi býli eitt mikið og heldur reglulega partí sem rata beint á síður gulu pressunnar.
En gjörspilltur fyrrum forsætisráðherra þarf ekkert að varpa skugga á ferð hingað. Sérstaklega ekki á tilboðsverði. Það á við um vikuferð sem býðst annaðhvort í lok maí eða byrjun júní á fjögurra stjörnu hótel hér með hálfu fæði, farangri og flugi vitaskuld frá London og til baka. Lítt verra að 15% afsláttur er á öllum drykkjum svona ef einhverjum skyldi detta í hug að fá sér.
Í þessu tilfelli eins og mörgum öðrum sem Fararheill bendir á þarf að koma sér og sínum til London og á Heathrow í þessu tilfelli en það ferðalag sjaldan verið jafn ódýrt og einfalt og nú. Flug báðar leiðir finnast umræddan tíma kringum 30 til 35 þúsund á mann.
Sá kostnaður bætist þá ofan á 136 þúsund króna ferðina til Sardiníu. Sem er nokkurn veginn helmingi lægra verð en greiða þarf fyrir vikutúr á Costa Smeralda í júlímánuði á háannatíma.
