Við þurfum stundum svo ógnarlítið spark í rassinn til að yfirgefa sjónvarpssófann og fara að lifa lífinu. Stundum svo lítið sem eitt stutt og hresst myndband…

Þetta auðvitað argasta auglýsing fyrir útlendan brimbrettaskóla og ekkert annað. En sýnir líka það sem Fararheill hefur bent á oftar en einu sinni að ekki þarf að fara lengra en til Portúgal til að komast í einhverjar fínustu öldur í bransanum.

Það er jú ástæða fyrir að þar í landi finnast yfir tvö hundruð brimbrettaskólar og hægt að taka námskeið nánast í hverju krummaskuði meðfram allri strandlengju landsins. Ákaflega skemmtileg íþrótt vægast sagt og fantagóð leið til að gera meira í sumarfríinu en liggja marflöt og súpa sangría.

Leave a Reply