Það eru ýmsar mismunandi leiðir til að læra erlend tungumál. Sumir stökkva mállausir beint út í djúpu laugina og ferðast án þess að kunna staf í neinu. Aðrir kjósa rólegheita undirbúning gegnum bréfaskóla. Svo eru það þeir sem vilja skemmta sér aðeins í leiðinni.

Gervais og Pilkington kenna ensku.
Gervais og Pilkington kenna ensku.

Það er fjári auðvelt þegar í hlut á hinn íðilskemmtilegi Ricky Gervais sem löngum skemmti landanum í þáttunum um Office hér á árum áður.

Kappinn hefur fengið til liðs við sig vitgrannan félaga sinn af og til í þáttum um ferðalög og tungumál og verður úr hin mesta skemmtun. Þó sennilega aðeins ef viðkomandi skilur ensku.

Ef ekki er þetta ekki verri leið að byrja en hver önnur. Félaginn, Karl Pilkington talar ensku með hreim sem ekki heyrist mikið í íslenskum skólastofum og það vita allir sem lært hafa dönsku í skóla að þegar fólk heimsækir loks Danmörk og ætlar að taka til orðs skilur ekki nokkur maður neitt. Ástæðan oft á tíðum hreimurinn.

Leave a Reply